首頁 即時娛樂

傳MIRROR入紙明年暑假紅館期 Jeremy藉化妝同花姐破冰

22/06/2021 16:45:00
Jeremy透過與模特兒「花膠」化妝,間接修補與花姐的關係。
Jeremy透過與模特兒「花膠」化妝,間接修補與花姐的關係。

MIRROR上月在九展連開6場演唱會,一票難求,黃牛飛更炒至高達過萬元。而近日盛傳MIRROR入紙楊千嬅放出的今年紅館跨年檔期,不過原來他們已另有打算,有報道指團體計劃明年7月開一連10場紅館演唱會,下月正式入紙申請。

紅館騷未有咁快舉行,不過就可以煲住ViuTV節目《調教你MIRROR》止止癢。昨晚播出的第11集,講到12位「鏡仔」要為經理人花姐(黃慧君)設計新造型,皆因她「成日都着黑色衫,仲有件牛仔長褸」,但大改造計劃卻不能被花姐知道,於是眾人為一位與花姐外型相似、同樣名叫慧君的特約模特兒「花膠」打扮,睇吓效果如何。

MIRROR被傳入紙明年7月紅館檔期。
MIRROR被傳入紙明年7月紅館檔期。
化妝的Jeremy十分專注。
化妝的Jeremy十分專注。

其間,姜濤、江𤒹生(Anson Kong,AK)、陳卓賢(Ian)及陳瑞輝(Frankie)負責飾物及配件,姜濤挑選了一對花花耳環,Ian就對大象公仔較有興趣,指「可以攬住影相」,甚至想自己買下收藏。AK笑言花姐可戴頭箍遮住雙眼扮Laser,又抵死指她會踩斷「斗零踭」,姜濤隨即口賤附和:「你問吓對鞋得唔得?」最後,他們改選粗踭鏡面高跟鞋,姜濤又再多口笑說:「花姐鍾意踩住MIRROR。」

至於服裝部,有楊樂文(Lokman)、王智德(Alton)及邱傲然(Tiger),Alton表示花姐的風格是「闊袍大袖、靚波鞋、黑灰Tone」,更差點想幫對方揀埋內褲!最後三人選了綠色長外衣,主持梁祖堯(祖祖)笑指該顏色是「大膽翡翠祖母綠」。而呂爵安(Edan)、柳應廷(Jer)及邱士縉(Stanley)負責設計髮型,Stanley竟提議「孖辮加空氣瀏海,再加藍色眼影」!三人手忙腳亂,Jer用熱風吹向「花膠」,最終要Edan出手。祖祖直指Edan整壞「花膠」的髮型,他說:「如果呢個係真頭髮,佢已經報咗警!」又擔心他燙燶假髮,Jer又提議為花膠紮辮。

Jeremy希望有日可以幫「正版」花姐化妝。
Jeremy希望有日可以幫「正版」花姐化妝。
AK笑言花姐可以戴頭箍遮住雙眼扮Laser。
AK笑言花姐可以戴頭箍遮住雙眼扮Laser。

全程只得負責化妝的李駿傑(Jeremy)十分專注,被祖祖稱讚:「Jeremy化得OK,個妝貼㗎喎!一個完全唔郁手、一個畀埋晒低B建議、一個想焫融人哋個頭,得Jeremy默默耕耘。」Jeremy表示:「我哋未試過同花姐咁Close,甚至幫佢化妝。化妝係一個好親密嘅行為,希望有日可以幫花姐化妝,我未試過好認真望人塊臉。」

「花膠」以新造型亮相,Tiger解釋:「改造有三大原則,要有突破、唔可以令花姐難受、靚。」不過,原來設計造型的目的是幫Jeremy與花姐破冰,祖祖透露:「表面上係好玩,其實想Jeremy同花姐破冰。見到Jeremy幫『花膠』化妝,我覺得會成功破冰,佢嘅溫柔、細心、專注係好有愛。大家都係開心為主,得Jeremy好認真,期待之後花姐着呢個造型,再由Jeremy化妝,會唔會破冰呢?我都好期待。」

眾人指花姐會踩爛「斗零踭」高跟鞋。
眾人指花姐會踩爛「斗零踭」高跟鞋。
(左起)Alton、Lokman及Tiger為「花膠」挑選服裝。
(左起)Alton、Lokman及Tiger為「花膠」挑選服裝。
服裝部眾人以為要為花姐揀埋內褲。
服裝部眾人以為要為花姐揀埋內褲。
最後3人選了一件「大膽翡翠祖母綠」外衣。
最後3人選了一件「大膽翡翠祖母綠」外衣。
Edan、Jer及Stanley設計髮型時手忙腳亂。
Edan、Jer及Stanley設計髮型時手忙腳亂。
花姐替身「花膠」以新造型亮相。
花姐替身「花膠」以新造型亮相。
Anson Lo為「花膠」披上披肩。
Anson Lo為「花膠」披上披肩。
「花膠」與花姐外型相似。
「花膠」與花姐外型相似。
花姐
花姐
其他文章
hd