首頁 即時娛樂

疫情下重整思想生活變得樸實 宣萱深信有緣迫到埋嚟都擋唔住

22/06/2021 21:11:00
睇返以前台慶着過嘅戰衣,宣萱對自己嘅小蠻腰都嘖嘖稱奇。
睇返以前台慶着過嘅戰衣,宣萱對自己嘅小蠻腰都嘖嘖稱奇。

宣萱今日以大使身份出席醫務所活動,代癌症病人答謝腫瘤科醫生,她表示近日趁拍戲和拍廣告前忙於清理家居,她要斷捨離,狠狠地清了共3大個垃圾袋,當中的電器及衣物贈予有需要的人或捐給救世軍,亦有不少飾物送贈深水埗擺檔攤的婆婆。不過過往喺台慶着過嘅戰衣及百多對高踭鞋都唔捨得掉,試過幾次重穿高踭鞋,因為放得太耐,搞到行行吓甩踭。問執拾舊物可有勾起回憶?她笑說:「睇返奇怪點解條裙23腰咁幼都着得落?𠵱家腰圍幾多?唔好提...幾多吋囉!」

問空餘時間可有男士邀約?宣萱直言約她也不去:「冇啦,呢年幾我都冇出街食飯,唔係驚自己中,而係驚同場有人有事我就要隔離。」她否認有好多朋友介紹男仔她識:「疫情下呢年幾令我重整思想,個人都放鬆晒,只要有基本生活就夠,搵另一半隨緣啦!因為呢啲迫到埋嚟都擋唔住。」

宣萱喺疫情下變得樸實,只係追求基本生活需求。
宣萱喺疫情下變得樸實,只係追求基本生活需求。
近年宣萱好重視環保。
近年宣萱好重視環保。

宣萱喺疫情下唔多出街,乘機重整思想。
宣萱喺疫情下唔多出街,乘機重整思想。

其他文章
hd