首頁 即時娛樂

【調教你MIRROR】玩瑜伽瘋狂踩冧檔 姜濤遭隊友嫌棄好重

23/06/2021 16:30:00
姜濤玩瑜伽勁好笑,搞搞震冇幫襯。
姜濤玩瑜伽勁好笑,搞搞震冇幫襯。

昨晚播出的《調教你MIRROR》第12集,12位成員分成兩組,分別接受瑜伽及木工體驗。Lokman(楊樂文)、Anson Kong(江𤒹生、AK)、Alton(王智德)、姜濤、阿Jer(柳應廷)及Stanley(邱士縉)去做瑜伽,梁祖堯(祖祖)竟向瑜伽老師表示「要佢哋啲筋撕裂」。在做多人瑜伽時姜濤經常表示要加入,但就因唔夠力而發生搞搞震事件,只要他一加入動作就會倒塌。

姜濤先前已令Jer及Stanley慘叫,之後Lokman、AK、Alton和Stanley再嘗試,本身這個「肌肉組合」相當穩陣,不過姜濤就一腳踩冧眾人!Stanley大呼「姜濤你好重!」,Lokman就表示「我震係因為姜濤踩上嚟,佢勁重」。大家再挑戰雙人瑜伽,不過一到姜濤又出事,他差點將拍檔Jer踢落地,更向對方話:「你而家個樣好樣衰!」。最後其他人幫手扶住在半空的Jer,扮挑戰成功!

Lokman、AK、Alton、姜濤、阿Jer及Stanley去做瑜伽。
Lokman、AK、Alton、姜濤、阿Jer及Stanley去做瑜伽。
姜濤(左)因唔夠力做瑜伽而發生不少搞笑事件。
姜濤(左)因唔夠力做瑜伽而發生不少搞笑事件。


Ian(陳卓賢)、Edan(呂爵安)、Anson Lo(盧瀚霆)、Tiger(邱傲然)、Jeremy(李駿傑)和Frankie(陳瑞輝)挑戰木工,眾人要「破鏡」,製作一塊鏡子之後再親手打破。途中Edan、Ian和Anson Lo被木工工具聲音嚇到而縮作一團,被取笑是「三隻地鼠」。Anson Lo表示:「釘槍勁似《死神來了》嗰啲,『啪』一聲就射中心口!」;Ian則認為:「以前一齊做個Concert,一個工作會覺得係大家合力完成,而家只係覺得係工作。所以今次製成品無論好唔好,都係大家一齊整,感覺好好。」

無論是做瑜伽或木工原來都唔係今集主題,原來祖祖一早已邀請攝影師小雲,在眾人不知情下用Snapshot(快拍)捕捉大家最真實一面。小雲指:「Snapshot未必人人都鍾意,因為表情未必係最好睇最靚,不過會令人開心,同埋回憶返當時嘅感覺。」事後眾人齊齊睇相,小雲認為姜濤與Jer反差最大,「一開始偷睇大家,發現佢哋即使未Roll機都好百厭,好多時候都笑容滿面。不過平時佢哋形象好Chok,今次感覺就似去咗畢業營咁,係一齊玩一齊長大嘅時間。」

姜濤(右)只要一加入動作就會令眾人倒塌。
姜濤(右)只要一加入動作就會令眾人倒塌。
祖祖和Jer趁混亂打卡。
祖祖和Jer趁混亂打卡。


Ian事後表示:「我本身有見到攝影師影相,有少少疑惑,不過大家太投入去玩,冇留意都好。如果知有人影相,大家都會Set頭化妝。相入面嘅自己笑得好開心,好耐冇見過自己笑得咁開懷。」姜濤道:「啲相真係好似學生時期,冇任何顧慮同機心,係單純嘅開心,多謝小雲呢輯相。」祖祖開心見到MIRROR打開了一部份自己,「佢哋同大家一樣有感受,有開心同唔開心,係咪一個偶像團體一定要Chok住同好正面呢!?」

另外,祖祖也宣佈第二屆幕後投選「我最喜愛MIRROR成員」,上次冠軍Tiger笑言為維持好形象「日日早起身,好大壓力」。在AK、Edan和Jeremy之中,結果由連續兩次入三甲的AK奪得。有Tiger「加冕」的他隨即以港姐Feel揮手,眾人更哼出港姐主題曲,祖祖笑問:「係咪真係要喺ViuTV唱大台隻歌呀?」得獎的AK事後多謝工作人員的照顧和支持。

姜濤和Jer挑戰雙人瑜伽。
姜濤和Jer挑戰雙人瑜伽。
姜濤撐得好辛苦。
姜濤撐得好辛苦。
最後其他人幫手扶住在半空的Jer,扮挑戰成功!
最後其他人幫手扶住在半空的Jer,扮挑戰成功!
Ian、Edan、Anson Lo、Tiger、Jeremy和Frankie挑戰做木工。
Ian、Edan、Anson Lo、Tiger、Jeremy和Frankie挑戰做木工。
Edan、Ian和Anson Lo嚇到縮作一團,被取笑是「三隻地鼠」。
Edan、Ian和Anson Lo嚇到縮作一團,被取笑是「三隻地鼠」。
攝影師小雲在MIRROR不知情之下,捕捉眾人最真實一面。
攝影師小雲在MIRROR不知情之下,捕捉眾人最真實一面。
小雲認為姜濤與阿Jer反差最大。
小雲認為姜濤與阿Jer反差最大。
AK奪得第二屆幕後投選「我最喜愛MIRROR成員」。
AK奪得第二屆幕後投選「我最喜愛MIRROR成員」。
Tiger幫AK「加冕」,AK扮港姐揮手致謝。
Tiger幫AK「加冕」,AK扮港姐揮手致謝。
其他文章
hd