首頁 即時娛樂

冒炎熱天氣郊外拍廣告 Gin Lee為同貓貓培養感情餵蚊都制

24/06/2021 00:00:00
Gin好開心可以同貓貓合作拍廣告。
Gin好開心可以同貓貓合作拍廣告。

延續時裝品牌的上輯廣告,作為專業貓奴的李幸倪(Gin Lee)今次親親大自然到郊外與貓咪齊齊拍攝。Gin笑指貓貓令她甘心走出冷氣房:「早前因為疫情,天氣又好熱,好多工作都變咗廠景。但今次係延續上輯廣告,透過跟住貓咪嘅足跡,發現愛護大自然嘅重要,有意義又有故事性,拍外景我都絕對唔介意!」

Gin拍攝時不斷俾蚊咬。
Gin拍攝時不斷俾蚊咬。
Gin怕嚇親貓貓,唔敢太大動作。
Gin怕嚇親貓貓,唔敢太大動作。


Gin育有愛貓「杏仁糊」,之前又以歌曲《開燈。熄燈(熄燈版)》紀念去年4月離世的貓貓「芝麻糊」,拍攝時她與小貓Model同樣好合拍。休息期間,貓貓更躺在她身上睡着,令她動彈不得。Gin冧爆表示:「可能小貓見我化妝坐喺度唔郁,就跳上嚟休息吓。呢個係培養感情嘅方法,梗係唔可以趕走佢啦!我哋喺戶外拍攝,好多蚊出嚟『搵食』,我怕太大動作會嚇親貓貓,所以俾蚊咬到皮膚又紅又腫,不過只要貓咪舒服就值得。」

即使天氣好熱,Gin都唔介意拍外景。
即使天氣好熱,Gin都唔介意拍外景。
Gin希望帶出愛護大自然的重要性。
Gin希望帶出愛護大自然的重要性。

擺慣甫士影相的Gin,做Model冇難度。
擺慣甫士影相的Gin,做Model冇難度。
Gin與愛貓「杏仁糊」及「芝麻糊」。
Gin與愛貓「杏仁糊」及「芝麻糊」。
其他文章
hd