首頁 即時娛樂

【有伏味】被郭偉亮劉浩龍大整蠱 鄧麗欣聞游水舊愛「嬲」到掟鐘

24/06/2021 11:30:00
鄧麗欣為Eric Kwok、劉浩龍和谷德昭主持嘅YouTube節目《圓桌德州撲克》任嘉賓竟中咗伏。
鄧麗欣為Eric Kwok、劉浩龍和谷德昭主持嘅YouTube節目《圓桌德州撲克》任嘉賓竟中咗伏。

由Eric Kwok(郭偉亮)、劉浩龍和谷德昭主持嘅YouTube節目《圓桌德州撲克》(Round Table Poker)最新一集請來鄧麗欣(Stephy)做嘉賓,比賽前,3位主持先夾埋玩Stephy,鬼馬師兄先開口,扮徵詢Stephy意見說:「問你問題,通常為咗遷就女嘉賓,會送多1000蚊籌碼,你想唔想咁?」Eric Kwok即補充:「你覺得有冇問題?因為曾經有1男1女嘉賓上嚟,個男嘅提出話『咁樣男女唔公平喎,我係女嘅就唔要你嗰1000蚊!』」師兄隨即說:「係呀,嗰個係我哋第一個嘅男嘉賓。」Eric Kwok又接住說:「咁你係咪要男女平等嗰啲女權主義,唔需要呢1000蚊呢?」

 Stephy不知不覺間墮入3人陷阱,她認真地諗咗陣回答:「其實我…因為我係天秤座嗰啲呢…我要好公平嘅,係呢,邊個(提出)呀?」此刻Eric Kwok喺度奸笑,師兄就忍住笑,兩人互推下,Eric Kwok答:「游水嘅!」Stephy笑得有點尷尬,即時作狀發嬲掟喺枱面嘅鐘,劉浩龍嚇得離枱3尺,笑到癲!其後谷德昭更直接追問二人當年嘅相處方式,Stephy避談話:「佢唔係好敢教我嘢!」

Eric Kwok、劉浩龍猛問鄧麗欣使唔使要男女公平?
Eric Kwok、劉浩龍猛問鄧麗欣使唔使要男女公平?
Eric Kwok有個古惑樣。
Eric Kwok有個古惑樣。

鄧麗欣真係有經過思考,好認真咁回答。
鄧麗欣真係有經過思考,好認真咁回答。
最後好奇咁追問,要求要男女公平嘅男嘉賓係邊個?
最後好奇咁追問,要求要男女公平嘅男嘉賓係邊個?

中計喇!答案係:「游水嘅!」(舊愛方力申)
中計喇!答案係:「游水嘅!」(舊愛方力申)
鄧麗欣聽到原來係游水舊愛時,即「嬲」到掟鐘。
鄧麗欣聽到原來係游水舊愛時,即「嬲」到掟鐘。
師兄笑住彈開。
師兄笑住彈開。
咁尷尬點算好?
咁尷尬點算好?
方力申及楊愛瑾係另一集嘅嘉賓。
方力申及楊愛瑾係另一集嘅嘉賓。
其他文章
hd