首頁 即時娛樂

單立文拍劇愛上人妻王菲 滕麗名自爆曾婚姻亮紅燈

24/06/2021 14:30:00
阿滕自爆與老公朱建崑曾險些離婚。
阿滕自爆與老公朱建崑曾險些離婚。

大前年,被爆跟吳君如胞弟吳君祥於2016年已離婚的江美儀,早前於主持的J2節目《Mean Talk》剖白離婚感受,獲嘉賓單立文(豹哥)好言安慰的她更不禁在鏡頭前落淚。該集將於今晚播出,當中豹哥和另一嘉賓滕麗名(阿滕)仲連環自揭「秘聞」,前者竟大爆與太太胡蓓蔚之間存在「虛擬二奶」!他說:「我所有朋友都知我有小三,精神出軌係好好玩嘅嘢。」隨即又問阿滕可接受老公「叫雞」,在旁的美儀亦睇唔過眼,反問他會否嫖妓,豈料豹哥神回:「點會對住鏡頭話自己叫雞㗎,你係咪癲咗呀?你做主持人用吓腦啦!」並透露初出道拍劇時,曾因抽離不到角色愛上王菲,他續道:「夜晚瞓覺會掛住佢,第二朝見到佢又會好似好開心咁,但當時佢已經結咗婚。」

豹哥(右)和阿滕連環自揭「秘聞」,前者自爆曾拍劇愛上王菲。
豹哥(右)和阿滕連環自揭「秘聞」,前者自爆曾拍劇愛上王菲。
阿滕與朱建崑結婚近8年。
阿滕與朱建崑結婚近8年。


阿滕也坦承與老公朱建崑(Matthew)曾險些離婚,幸好後來靠一句話化解危機。眾人閒談間提及李家鼎(鼎爺),阿滕透露對方曾救自己一命,「嗰時《尋秦記》我要拍騎馬戲,啲馬係未受過訓練嘅,跟住導演要我騎住一隻,手揸住一隻,仲要係咁跑,手上面又有劍又盛,但嗰兩隻馬打交喎,我真係搞唔掂,咁我離遠見到咪叫鼎爺救命囉。」

美儀於節目中剖白與吳君祥離婚的感受。
美儀於節目中剖白與吳君祥離婚的感受。
美儀還不禁在鏡頭前落淚。
美儀還不禁在鏡頭前落淚。

其他文章
hd