首頁 即時娛樂

【調教你MIRROR】姜濤Tiger冇偈傾Dead Air八秒 AL露額「留鬚」接受不完美

24/06/2021 16:45:00
AL挑戰一直以來抗拒的露額及留鬚造型。
AL挑戰一直以來抗拒的露額及留鬚造型。

ViuTV昨晚播出的第13集《調教你MIRROR》,梁祖堯(祖祖)將成員入營時沒收的手提電話歸還,眾人即時機不離手。江𤒹生(Anson Kong、AK)憶述:「冇電話玩又怕悶就會傾偈,唔會一Cut機就掛住玩IG。」他與姜濤吃飯時更玩猜枚,氣氛開心又融洽。姜濤也認同,「一開始好擔心冇手機要習慣,不過原來唔會唔慣,可以迫我哋增加交流同溝通都幾好。」

姜濤和邱傲然(Tiger)雖然都是1999年出生,但都直言平時與對方最少傾偈,姜濤稱:「唔係唔Friend,但好少去傾偈,《造星》冇咩合作又唔會主動講嘢。」祖祖指他們感覺生疏又緊張,要求二人即時傾偈,但最後沉默8秒才由姜濤開口。他說:「我哋加規則,一定要溝通多過50句,之前一個月都冇10句。」即被祖祖取笑「猜枚同十五二十唔當一句!」

祖祖又帶兩人到一家二手唱片店兼書店,向不熟悉本地文化的外籍店主Gary推銷MIRROR的唱片,目標是要他答應上架售賣。祖祖形容兩人是「Very very very pop(超級有名)」的組合成員,令Tiger大呼「好尷尬」。兩人出力以英文與店主交流,更即場清唱《One & All》副歌,最終獲Gary應承將二人即場簽名的唱片上架,完成任務。Tiger也表示兩人之後有更多交流,「傾偈之後先知好多嘢,例如姜濤好鍾意食羊肉,所以真係熟咗。」

姜濤及AK吃飯時玩猜枚。
姜濤及AK吃飯時玩猜枚。
姜濤和Tiger直言平時與對方最少傾偈。
姜濤和Tiger直言平時與對方最少傾偈。


另一環節祖祖邀請到化妝師Julie,主持「心理化妝環節」。Julie目測各人有否化妝時,直指盧瀚霆(Anson Lo、AL)心虛,他即說:「我有化,不過無補咋。」祖祖選擇AL、柳應廷(Jer)及李駿傑(Jeremy)參與,放大他們最不滿的缺點。Julie為AL加添大量「鬚根」時,順手掃其瀏海,無心的動作令他極大反應,即時彈開!AL尷尬地說:「侵犯私隱!」更叫大家「冷靜啲」。他又叫製作組不要將片段播出街,獲成員起哄大呼「出!出!」。

祖祖表示:「你唔好咁大反應,佢哋會慢鏡播㗎!」製作組果然慢動作Playback,清楚看到AL的額頭。眾人又指鬚根要襯All Back髮型才有型,要求他試吓,而AL真的將自己的瀏海掃向頭頂,展露額頭。祖祖對AL印象好深刻:「記得12月26日掃到佢個頭,佢已經彈開,最後肯撥起瀏海,係始料不及地震撼。」他也大讚有鬚根的AL是「有種貼地嘅Charm。」Jer介意自己的荷爾蒙斑及暗瘡,Jeremy則介意雙眼無神,祖祖希望三人可以擁抱不完美的自己。

祖祖要求二人即時傾偈,最後都沉默8秒。
祖祖要求二人即時傾偈,最後都沉默8秒。
祖祖帶姜濤和Tiger去推銷唱片。
祖祖帶姜濤和Tiger去推銷唱片。


最後祖祖揭曉「幕後票選最大反差大獎」,三甲人選分別為姜濤、陳卓賢(Ian)和王智德(Alton),最終宣佈得獎人是Ian。AK即叫身旁落敗的Alton不要哭,更以親身經歷自抽:「我賴過嘢,唔好黑面呀!」令眾人大笑。Ian發表得獎感言:「好多時畀人感覺偏向負面先,但我唔會特別去解釋。我忠於自己,只要大家慢慢了解我呢個人就知道我唔係咁,多謝大家畀機會我,亦畀咗機會自己,令所有人了解你哋多啲,希望我哋以後可以將更多嘢話畀大家知,多啲了解對方。」


另外,AL昨晚在社交網貼出自己露額及有鬚根的照片並留言:「本身我是一個毛髮頗為茂盛的人,每次化妝時也會對化妝師姐姐說『鬚根遮瑕要重手一點點』。我覺得有鬚根會令樣子看似很疲倦、沒有精神。記得阿祖跟我認真說過『其實你有鬚根幾好睇』,當刻我絕對不認同,但不是要認同自己每一個造型或樣子都是完美無瑕,而是要接受自己每一面。每一面全部都是我,都是屬於Anson Lo,都是獨一無二的。我們每個人或許也不完美,所以要更加懂得接受自己的全部,學習愛惜自己。共勉之💪🏻」

兩人即場清唱《One & All》副歌。
兩人即場清唱《One & All》副歌。
最終店主Gary將二人即場簽名的唱片上架。
最終店主Gary將二人即場簽名的唱片上架。
AL原來好怕露額頭。
AL原來好怕露額頭。
唔冷靜嘅AL不停叫大家「冷靜啲」。
唔冷靜嘅AL不停叫大家「冷靜啲」。
製作組慢動作Playback。
製作組慢動作Playback。
成員起哄大呼AL露額片段要出街。
成員起哄大呼AL露額片段要出街。
AL、Jer及Jeremy經過化妝再放大最不滿的缺點。
AL、Jer及Jeremy經過化妝再放大最不滿的缺點。
AK搞笑以親身經歷自抽。
AK搞笑以親身經歷自抽。
AL在社交網貼出露額及有鬚根的照片。
AL在社交網貼出露額及有鬚根的照片。
其他文章
hd