首頁 即時娛樂

【頭條獨家】讚城城有義氣張家輝唔認輸 夏玉麟病情急差口述自傳

24/06/2021 23:00:00
夏玉麟病情急差,只能口述自傳內容,讓頭條日報幫他完成心願,當中包括讚揚郭富城有義氣。
夏玉麟病情急差,只能口述自傳內容,讓頭條日報幫他完成心願,當中包括讚揚郭富城有義氣。

68歲的資深演員夏玉麟兩年多前確診患有肺癌第四期,演過400多套戲的麟哥本想趁餘生撰寫自傳《我的大半生》,記錄小人物成為淪落人的故事,但病情急轉直下,𠵱家痛到全身無力,眼睛開始睇唔到嘢,已被送往佛教醫院,他只能透過《頭條日報》完成心願,口述演藝生涯45年點滴,大讚張國榮、郭富城、黎明、鄭少秋、米雪等。 採訪:方騫平 攝影、譚壹致

麟哥展示當年同天王劉德華、天后王菲演出劇照,仲話處女拍劇嘅王菲一啲都唔寸。
麟哥展示當年同天王劉德華、天后王菲演出劇照,仲話處女拍劇嘅王菲一啲都唔寸。
夏玉麟讚張家輝對演戲有團火,經過多番努力終於成為影帝。
夏玉麟讚張家輝對演戲有團火,經過多番努力終於成為影帝。

女藝人劉思希與夏玉麟因拍過TVB劇集《愛.回家之開心速遞》結緣,思希知道麟哥冇兒冇女,年老無依,除為他發起眾籌,仲會Keep住了解吓他的狀況及需要。上周六(19)夏玉麟接受完《頭條日報》訪問後病情急轉直下,連行都行唔穩,晚上跌倒於浴缸,冇法開門拎思希為他柯打的外賣,最後思希見麟哥失聯數小時,唯有報警求助,警方深夜破門入屋將他救起,在無法治理下,麟哥幾唔情願都被送入醫院。

夏玉麟因為生意失敗,48歲時再幫女友還咗30萬賭債,𠵱家一無所有,他認為世間上冇嘢可以天長地久,只有遺憾先會刻骨銘心!
夏玉麟因為生意失敗,48歲時再幫女友還咗30萬賭債,𠵱家一無所有,他認為世間上冇嘢可以天長地久,只有遺憾先會刻骨銘心!
麟哥病情轉差,體重跌至110磅,上周六跌跌撞撞,扶住路邊物件走路。
麟哥病情轉差,體重跌至110磅,上周六跌跌撞撞,扶住路邊物件走路。

在台灣國立政治大學畢業的夏玉麟,本來名中學老師,亦是葉問門人,跟張國榮(哥哥)、萬梓良同期訓練班學員,拍過《鱷魚淚》、《大地恩情》等經典劇集。講到演藝生涯難忘點滴,他指最自豪連樂壇大姐大梅艷芳視他為智者,喺片場向他探討「人生有咩意義?」更爆曾被哥哥「抽水」,他氣若游絲說:「嗰時我得20幾歲好年青,張國榮成日摸我個肚皮話『點解你咁正嘅?』佢好好人,就算上咗位做主角仍然好關心我,會問我『食咗飯未?』」至於城城最有義氣:「好記得因為要趕住返學教書,但導演唔放人,我係小角色no say,最後城城代出頭,我真係好多謝佢。」另外,鄭少秋及米雪好尊重他,天王劉德華、天后王菲對他都相當客氣,而他最佩服喺北京來港發展嘅黎明嗰份毅力。

麟哥還記得當日同張家輝拍劇集時,他沉默寡言,有啲鬱鬱不得志,不過,麟哥慧眼覺得家輝有好大發揮空間,將來一定會紅:「喺呢行45年體會,唔係1加1等於2,而係好靠運氣,但知識就係寶庫,永遠帶唔走。」

為賺取生活費,之前他抱病演出TVB劇集《愛.回家之開心速遞》。
為賺取生活費,之前他抱病演出TVB劇集《愛.回家之開心速遞》。
91年同黎明合作過《今生無悔》,當時黎明經已成為樂壇天王。
91年同黎明合作過《今生無悔》,當時黎明經已成為樂壇天王。
同郭富城由電視劇拍到電影,麟哥指城城好照顧班「細」,個人好義氣,但𠵱家唔敢求他幫忙。
同郭富城由電視劇拍到電影,麟哥指城城好照顧班「細」,個人好義氣,但𠵱家唔敢求他幫忙。
當年麟哥係張國榮班長。
當年麟哥係張國榮班長。
好彩得好心人劉思希照顧,就算思希唔喺香港,都會隔空照顧麟哥。
好彩得好心人劉思希照顧,就算思希唔喺香港,都會隔空照顧麟哥。
年輕時麟哥都幾靚仔㗎。
年輕時麟哥都幾靚仔㗎。
其他文章
hd