首頁 即時娛樂

【好武功】抱仔炒餸有妙方 蔡少芬完美示範好身手

25/06/2021 05:00:00
蔡少芬係全能媽咪。
蔡少芬係全能媽咪。

47歲「索媽」蔡少芬(Ada)跟老公張晉婚後育有2女1子,孻仔未夠兩歲,相當黐身,好需要父母照顧,Ada身兼藝人及全職媽咪,真係要有十八般武藝才搞得掂。

昨日她喺社交網上載生活相,Ada因為要邊下廚邊抱仔,左腳惟有撐住個灶頭嚟借力,好讓兒子可以有「私家座」,相中見兒子眼仔碌碌相當安靜,似乎冇嫌棄「私家座」太梗淨,Ada雖然手忙腳亂喺度炒餸,但亂中有秩,順利過關。Ada搞笑寫道:「這個買家秀是曬牛仔褲?曬煎pan?曬兒子?還是曬命?」網民留言大讚她:「好功架」、「媽咪好身手」、「為娘的就是強,一轉眼就那麼大了,真快!」、「好腳力」,甚至有網呢取笑她「晒美腿」,也有建議她「用椅。」

阿仔坐得好舒適咁喎!
阿仔坐得好舒適咁喎!
左腳戙喺爐頭櫃都得。
左腳戙喺爐頭櫃都得。

蔡少芬將一家5口搞得頭頭是道。
蔡少芬將一家5口搞得頭頭是道。
仲有時間同好姊妹李亞男、陳法蓉等聚會。
仲有時間同好姊妹李亞男、陳法蓉等聚會。

蔡少芬注重打扮,唔做「黃面婆」。
蔡少芬注重打扮,唔做「黃面婆」。
其他文章
hd