首頁 即時娛樂

傭人姐姐發脾氣嗌辭職 林芊妤傾掂數:唔使請新姐姐啦

25/06/2021 04:00:00
Coffee於IG開Live重提傭人姐姐辭職一事。
Coffee於IG開Live重提傭人姐姐辭職一事。

林芊妤(Coffee)日前於IG Story問大家有否本地姐姐介紹,仲透露傭人姐姐忽然遞上辭職信!事緣,她發現姐姐餵兩歲多兒子翟德彥(翟伯伯)食飯時,經常開電視及電話給囝囝看,惟姐姐繼續講大話,唔認之餘仲發脾氣掉毛巾,最後向Coffee說自己「唔識湊小朋友」,叫對方另覓姐姐。正當Coffee為再請工人而煩惱之際,事隔數小時後,姐姐居然向她道歉,最終仲傾掂數留低,她於社交網留言︰「多謝大家既關心呀~我而家唔使請新姐姐啦,姐姐唔走啦。」

Coffee指姐姐已向她道歉,並自稱遞信只是意氣用事。
Coffee指姐姐已向她道歉,並自稱遞信只是意氣用事。
Coffee認為每個人都會犯錯,所以選擇相信對方,大家互相遷就。
Coffee認為每個人都會犯錯,所以選擇相信對方,大家互相遷就。


今日Coffee於IG開Live重提事件,坦言事後也跟姐姐表示謝意,感激兩、三年來對BB的照顧,讓她可放心外出工作,只是自己不喜歡別人說謊,「我同佢講已習慣佢喺身邊,大家好似一家人咁,我都唔係好習慣有其他人、要重新習慣,跟住佢就喊,同我講Sorry,佢覺得自己嗰日態度唔好,其實係佢意氣用事,唔係真係想走,希望我當聽過,所以我哋又冇事喇,唔使請新姐姐!佢都應承我以後有啲咩都會同我講,唔會再為方便、唔使煩而講大話,我都選擇相信佢,加上佢係第一次(犯),而每個人都有機會犯錯,姐姐都會有脾氣、攰、唔舒服,同埋佢離開印尼咁耐都可能好掛住自己個仔,情緒唔係咁好,變相有時會有少少脾氣,大家要互相遷就。」但她又稱,正考慮請多個姐姐來幫輕對方,故會繼續Interview。

Coffee今日又上載伯伯食甜品的短片,認真Cute到暈。
Coffee今日又上載伯伯食甜品的短片,認真Cute到暈。
日前,Coffee發現姐姐餵伯伯食飯時,經常開電視及電話給囝囝看,但姐姐講繼續講大話唔認。
日前,Coffee發現姐姐餵伯伯食飯時,經常開電視及電話給囝囝看,但姐姐講繼續講大話唔認。

事後Coffee都感激姐姐兩、三年來的幫忙,讓她可放心交囝囝給對方照顧,自己出外工作。
事後Coffee都感激姐姐兩、三年來的幫忙,讓她可放心交囝囝給對方照顧,自己出外工作。
Coffee一家三口。
Coffee一家三口。
其他文章
hd