首頁 即時娛樂

【老花評老姜】似外星人唔會變囂張 花姐深信姜濤只想做個認真表演者

25/06/2021 07:00:00
估唔到姜濤一年前已經叫花姐安排畀佢排演唱會,真係幾癲!
估唔到姜濤一年前已經叫花姐安排畀佢排演唱會,真係幾癲!

花姐之前接受《頭條日報》訪問時,曾經講過姜濤,「佢媽咪管教得佢好好,男仔廿幾歲都咁純。」又話:「佢最想要嘅唔係獎,最想我畀自由度佢做自己鍾意嘅音樂。」花姐呢日ig再講到姜濤,不但爆他私底下愛叫她「老花」,更形容他對演出的高要求似是外星人;又覺得他不會因為一朝得志變囂張,因他只是想做個「認真的表演者」,雖然花姐平日好少讚姜濤,但睇得出佢係真心欣賞呢個「仔」嘅。

原來老姜私底下叫花姐「老花」,都幾cute呀!
原來老姜私底下叫花姐「老花」,都幾cute呀!
花姐叫姜濤放心,演唱會演出fans一定會鍾意,果然係啦!
花姐叫姜濤放心,演唱會演出fans一定會鍾意,果然係啦!



花姐留言全文如下:
「老姜.....佢對我黎講係一個外星人,一個係我想像以外嘅人。演唱會嘅一年前就已經同我講『喂!老花,我已經諗到演唱會個item做咩,可唔可以下星期安排排舞」當時我真係咗咀「我連開唔開到演唱會都未知woo』

到演唱會期間,佢不斷問我『老花,我知道你而家唔會影響我地自信,但係我想你話我知,我個item好唔好,有咩要改』我有時會同佢講『放心,你嘅fans一定會鍾意』然後佢認真咁同我講『我想將呢個表演做到最好』

好多人同我講『你小心姜濤會囂張』我可以肯定同大家講『老姜一定唔會」名利對佢一d都唔重要,因為佢個人真係好簡單,佢只係想做一個『認真嘅表演者』」

其他文章
hd