首頁 即時娛樂

否認迫「敵人」上台合唱 Serrini爆林家謙騷短訊證幫襯黃牛

25/06/2021 13:00:00
Serrini大談家謙睇騷當日的背後故事。
Serrini大談家謙睇騷當日的背後故事。

上星期在九展連開3場演唱會《I'M (NOT) FINE, THX.》的Serrini,尾場請到本身睇騷的林家謙上台合唱《蘇菲亞的波霸珍珠奶茶》,今日Serrini就在社交網分享背後故事。自稱與家謙不熟的她笑指對方是自己「敵人」,不過依然大方祝福:「天祐我的敵人,給他永遠笑聲,並常對他偏愛💎🙏🏻」。

Serrini與家謙合唱《蘇菲亞的波霸珍珠奶茶》。
Serrini與家謙合唱《蘇菲亞的波霸珍珠奶茶》。
家謙特登走入後台展示黃牛短訊,向Serrini表示門票炒燶咗。
家謙特登走入後台展示黃牛短訊,向Serrini表示門票炒燶咗。

Serrini又爆家謙呃她幫襯黃牛:「Concert嗰日黃昏,主辦話我知阿邊個(指家謙)嚟,我第一個反應係『佢之前又話唔嚟?!』之後我同自己講,要乖乖哋,唔可以攻擊人哋。點知呢個人開Show之前特登走入去後台,話我知佢買黃牛飛(實情係搲畀佢嘅真飛,但係佢堅持要Show黃牛Message畀我睇,話我跳樓飛),但係又話不如合照(???)。可能最近林XX好忙做製作,對我放下咗戒心,或者疲倦就無咩inhibition(顧忌),但係偶像就係要保持謙謙君子façade(假像),佢都唔係咁衰嘅I guess,係奸奸哋vibe嘅啫🙏🏻🕊」。

兩人好Friend但又成日扮唔熟。
兩人好Friend但又成日扮唔熟。
Serrini同家謙Say Hi都好尷尬咁。
Serrini同家謙Say Hi都好尷尬咁。

Serrini續指自己沒有迫家謙上台:「我on stage話『我係唔會叫佢上嚟嘅,除非佢自己行上嚟』is true,佢心裏說不,我就唔會迫到佢。我係成日覺得佢係腹黑攻(指表裏不一地壞),and me as a 女皇攻,so大家就會好多conflicts(衝突)(但係友善)。But可能世界睇唔慣啲roast(批評),如果成日嬲嬲豬咁,做咩啫你妖。Anyways I would like to bless this huge fan of mine with happiness in life and protection from any harm. (無論如何,我都想祝福這位忠實粉絲,希望他一直都快樂,遠離一切傷害)」。

Serrini同家謙互動好搞笑。
Serrini同家謙互動好搞笑。
家謙同Serrini終於正經影張合照。
家謙同Serrini終於正經影張合照。
Serrini社交網全文。
Serrini社交網全文。
其他文章
hd