首頁 即時娛樂

陳嘉佳為殺價冇血性 拉陳自瑤俯身圍攻王祖藍

25/06/2021 12:24:00
陳嘉佳大力推波,陳自瑤俯身圍攻下,王祖藍只好「就範」捐出一萬元善款。
陳嘉佳大力推波,陳自瑤俯身圍攻下,王祖藍只好「就範」捐出一萬元善款。

陳嘉佳(細細粒)憑著近年累積的直播帶貨經驗,於TVB真人競技綜藝騷《識貨》8位「見習主播」中一直表現較出色,在昨(24日)晚播出的一集中更是愈戰愈勇。於新一輪雙人淘汰賽,細細粒不但Head住拍檔路芙,更升呢「超強Sales」,全程拿著大堆資料與計數機為家庭觀眾向客戶殺價,還氣勢逼人讓客戶沒「還價」機會,「氣場」遠勝對手黃建東與蔡國威。路芙亦直指細細粒狼死:「喺佢身上,學到要『見你唔到』,佢係冇血性嘅,但有時殺價就係要冇血性!」加上細細粒直播期間可以45分鐘不停口sell個不停,令主持人鄭裕玲(Do姐)亦深表佩服。

細細粒拎住資料同計數機為家庭觀殺價。
細細粒拎住資料同計數機為家庭觀殺價。
細細粒要計數又要不停Sell,果然厲害。
細細粒要計數又要不停Sell,果然厲害。


「殺」到性起的細細粒,在今(25日)晚播出的一集中繼續「強攻」。為籌錢做慈善,女子組與男子組分別殺入TVB化妝間四出尋覓善長。女子組甫開始即「Mark實」正值化妝的王祖藍,由於眾女「連珠炮發」圍攻祖藍,祖藍極速「就範」捐出一萬元善款,令男子組陷入苦戰。在第一集對自己表現失望的陳自瑤,往後已愈見進步,今集更在細細粒帶領下,俯身落力強攻;細細粒則事後得戚謂:「男子組輸在唔知王祖藍先生喺邊度搵!」

除了祖藍,方力申、何廣沛、湯盈盈、劉穎鏇、朱凱婷等人亦先後被「生擒」,場面混亂兼笑料百出;丁子朗及郭子豪亦會現身「踢館」,令比賽更見緊湊。

最後祖藍被細細粒捉住隻手簽名。
最後祖藍被細細粒捉住隻手簽名。
方力申被當年緋聞女友陳自瑤活捉。
方力申被當年緋聞女友陳自瑤活捉。

湯盈盈等人被生擒後拍照留念。
湯盈盈等人被生擒後拍照留念。
方力申再被黎諾懿活捉。
方力申再被黎諾懿活捉。
其他文章
hd