首頁 即時娛樂

【調教你MIRROR】姜濤跳芭蕾呆晒懷疑人生 Stanley感迷失花姐認忽略

25/06/2021 16:11:00
姜濤跳芭蕾傻更更咁;Stanley講到眼濕濕。
姜濤跳芭蕾傻更更咁;Stanley講到眼濕濕。

ViuTV節目《調教你MIRROR》昨晚播到第14集,「鏡仔」們因工作要暫別梅窩。中午眾人學跳芭蕾舞,大家都表現雀躍,Anson Lo(盧瀚霆)自言:「細個睇得《天鵝湖》多,已經對芭蕾舞好有興趣,好想學。」不過都有人enjoy唔到,平時Charm爆的姜濤慘變「僵」濤,舞姿生硬、表情茫然,完全跟唔上節奏。

姜濤被芭蕾老師Stephen指他的雙手似龍爪,踢腿時更多次不小心踢中身後的Edan(呂爵安),嚇得對方用手遮住重要部位!姜濤事後也自嘲:「證明我冇跳芭蕾舞天份,一入到去就覺得環境同我唔匹配!不過老師真係好有熱情,無時無刻都笑住,睇得出佢有幾熱愛。」Frankie(陳瑞輝)轉圈時十分流暢,獲Stephen讚賞。最後Stephen在跳得最好的Lokman(楊樂文)、Frankie和Anson Lo之中,選出Lokman做最有潛質的「芭蕾舞小王子」,Lokman更即場表演了一段舞,獲老師大讚。

MIRROR學跳芭蕾舞。
MIRROR學跳芭蕾舞。
姜濤跟唔上節奏。
姜濤跟唔上節奏。




其後12子回到當年參加《全民造星》時的試鏡場地,在導師和評判面前即場表演。Frankie坦言出道兩年多反而磨滅了自信:「我冇自信,而家我係進步咗,定係退步咗?有11個人同我一齊跑緊,跑得幾快都會有人追到自己,係真係大家一齊進步緊,定係得我冇進步?」他唱回參賽歌《無盡》,引來其他11位成員一齊合唱,梁祖堯(祖祖)也感動到眼濕濕。

Stanley(邱士縉)則重唱《愛是懷疑》,不過當祖祖叫他形容自己時,他突然表示有點迷失:「覺得自己長期都冇咩特別,反而以前比較有自信,而家要演戲,唔係做自己先有番多啲自信。望番以前嘅自己覺得唔太OK,同埋驚講錯嘢,有時唔敢講出心底話。」經理人花姐(黃慧君)也向祖祖說:「佢覺得好迷惘,(上年)喺台灣拍完劇之後好似冇咩機會,又睇唔到有咩前途。我都明,做呢行其實好冇安全感,而且Stanley會諗『年紀已經唔細,會唔會今年機會又冇咗?』,仲要係咁開《造星》。」

姜濤搲晒頭。
姜濤搲晒頭。
姜濤仲要俾祖祖整蠱。
姜濤仲要俾祖祖整蠱。



花姐也坦承自己有做得不對的地方,「計埋ERROR有16個人,我冇可能將24小時平均分畀佢哋,邊個要特別照顧,我就會照顧咗先。我認為Stanley比其他人成熟,好似冇咩大問題,所以忽視咗佢。」祖祖好認同:「佢自我認同比較弱,最慘係唔想做自己心目中嘅弱者,而唔係人哋面前嘅弱者。」

Stanley最後和祖祖對話時也忍不住真情流露,他哽咽地說:「一首好簡單嘅歌,我分到兩句歌詞,但係練咗兩日都跟唔到拍子。我好𤷪我自己,點解我可以咁差?我好努力去做呢件事,但我……好似咩都唔係,好冇用,搵唔到自己價值。」他自覺在演戲方面的表現較佳,所以寧願做演員也不想做歌手。

姜濤踢腿時不停踢中身後的Edan。
姜濤踢腿時不停踢中身後的Edan。
姜濤每次踢腿都踢到,勁好笑。
姜濤每次踢腿都踢到,勁好笑。
Edan嚇到護住重要部位。
Edan嚇到護住重要部位。
姜濤被芭蕾舞老師指他雙手似龍爪。
姜濤被芭蕾舞老師指他雙手似龍爪。
Lokman、Frankie和Anson Lo表現最好。
Lokman、Frankie和Anson Lo表現最好。
Lokman當選「芭蕾舞小王子」。
Lokman當選「芭蕾舞小王子」。
Frankie唱回《造星》參賽歌《無盡》。
Frankie唱回《造星》參賽歌《無盡》。
Stanley重唱《造星》參賽歌《愛是懷疑》。
Stanley重唱《造星》參賽歌《愛是懷疑》。
Stanley表示最近有點迷失。
Stanley表示最近有點迷失。
Stanley最後和祖祖對話,忍不住哽咽。
Stanley最後和祖祖對話,忍不住哽咽。
其他文章
hd