首頁 即時娛樂

江欣燕自揭主動離婚留遺憾 爆前夫掛住睇波零反應

04/07/2021 12:21:00
江欣燕說離婚因為人大個了,開始認識自己,才發覺同前夫內心好大距離。
江欣燕說離婚因為人大個了,開始認識自己,才發覺同前夫內心好大距離。

江欣燕(欣欣)作客黎芷珊主持的TVB訪談節目《單對單》昨晚播出,與前夫吳積遜拍拖10年、結婚12年才選擇分開的欣欣,坦言是自己主動提出離婚:「我哋2013年7月分開,可能因為人大個咗,開始認識自己,先發覺我哋內心好大距離。我好多謝佢陪咗我廿幾年,令我眼界闊咗好多,係我決定唔一齊。同佢一齊好似好開心,但唔係我本質。」她又直認對前夫留有少許遺憾:「係我提出話行開,佢當日係冇反應,佢睇緊波。咁我就話我行動了,佢喲完就繼續睇波。我等佢睇完再解釋番,其實好多嘢唔使多講。」

欣欣直指覺得婚姻是一種綑綁,大家應先想清楚自己需要怎樣的另一半:「我經歷好多嘢之後,我會好小心選擇另一半,唔會再係憑感覺,真係要好了解自己需要啲咩,因為對方係你嘅一面鏡。我估我將來嘅會係Partner,唔會係老公。」欣欣又透露從前的自己只愛談笑不愛談心,但現在已有所轉變:「我發覺飲酒可以幫我拆咗自己度牆,我唔信任人嘅牆,以前我唔會無啦啦搵人分享心事;依家係連唔識嘅人,我都願意交心。」

欣欣與芷珊買花。
欣欣與芷珊買花。
又買餸。
又買餸。


喜歡笑看人生的欣欣,在節目中帶芷珊一起買完花再買餸,更親自下廚炒生酮版韓式炒粉絲及落重料煲靚湯,招呼芷珊與江媽媽同枱吃飯,江媽媽更開腔勸愛女「飲少啲酒」,場面既歡樂又溫馨。

欣欣將花回來的花移植到花園。
欣欣將花回來的花移植到花園。
好友歎紅酒傾心事。
好友歎紅酒傾心事。

欣欣為煲靚湯,落了成包瑤柱。
欣欣為煲靚湯,落了成包瑤柱。
欣欣話現多了時間陪媽咪好開心。
欣欣話現多了時間陪媽咪好開心。
其他文章
hd