首頁 即時娛樂

【頭條獨家】63歲仲有人要自言執到 魯振順跪地幫未婚妻着繡花鞋

04/07/2021 22:00:00
63歲仲有人,魯振順開心到唔介意下跪,幫未婚妻着繡花鞋。
63歲仲有人,魯振順開心到唔介意下跪,幫未婚妻着繡花鞋。

緣份嘅嘢真係好奇妙,63歲「TVB綠葉王」魯振順(鹵水旦)Dry咗10多年,失驚冇神同年輕6歲,從事保險業嘅Julie撻著,火速展開一段「黃昏戀」,明年10月將做「老襯」。日前兩人手拖手去揀裙褂,其間阿旦不停搞爛gag,見老婆身形大份着唔落現成貨,就笑住大讚老婆好生養,坐得好穩,搞到未婚妻笑唔停。採訪:方騫平 攝影:張詠森 場地:鳳黃繡莊@金巴利道

就算男兒膝下有黃金,阿旦對住Julie,唔介意單膝跪地。
就算男兒膝下有黃金,阿旦對住Julie,唔介意單膝跪地。
魯振順同Julie試中式禮服,阿旦貼心照顧未婚妻,好sweet。
魯振順同Julie試中式禮服,阿旦貼心照顧未婚妻,好sweet。

揀裙褂期間,阿旦預習點樣去做暖男老公,除咗拖出拖入,又跪地協助老婆着繡花鞋,見老婆熱熱哋,就幫老婆撥涼,笑言:「妻涼!」○氹到Julie四萬咁口,情不自禁從後攬實阿旦,sweet到爆!

未婚妻證實非常大男人
原來呢段黃昏情緣係女追男,早於41年前兩人曾一齊參加歌星選拔賽,當時大家唔熟之後亦冇再聯絡。去年Julie被阿旦嘅演出及多段真誠訪問感動,主動出擊,她強調:「其實我對人要求都好高,真係睇吓值唔值得聯絡先搵佢,我覺得佢個人好好,最欣賞佢好正人君子,初時佢唔信我,坐佢架車要坐車尾,坐咗成個月,直至聖誕前夕先肯拎開放喺司機位隔離嘅背囊畀我坐。」阿旦大笑說:「我當佢係我老細啫!」

Julie眼中阿旦係大男人,揀裙褂都會畀意見。
Julie眼中阿旦係大男人,揀裙褂都會畀意見。
試試吓衫,Julie情不自禁從後攬實阿旦。
試試吓衫,Julie情不自禁從後攬實阿旦。

魯振順曾被誤會性取向,Julie即解密:「我唔覺得佢係,佢只係感情細膩一啲,可能演東方不敗太入型入格,深入民心,我接觸佢好大男人。」語畢即補充:「但我OK,因為我鍾意做小女人,做小女人係幸福嘅。仲有,就算佢10幾年冇緋聞唔代表冇人吼,可能佢要求高,𠵱家先搵到我。」阿旦乘機發表愛的宣言:「係呀,之前我好可憐!搵個安心老婆好重要係男人心聲。雖然相逢恨晚,但𠵱家最重要係有健康,步入中老年,大前題係養生,其他冇得強求,有佢要我,我經已執到啦!」

阿旦演東方不敗、大太監等入型入格,令大家懷疑他的性取向。
阿旦演東方不敗、大太監等入型入格,令大家懷疑他的性取向。
阿旦覺得係已故媽媽派女友嚟照顧佢。
阿旦覺得係已故媽媽派女友嚟照顧佢。
兩人緣於41年前的一個歌星選拔賽,當年交流唔多。
兩人緣於41年前的一個歌星選拔賽,當年交流唔多。
兩人日日笑唔停,勁開心
兩人日日笑唔停,勁開心
其他文章
hd