首頁 即時娛樂

升任港台創作總監 馬浚偉唔覺有掣肘

16/07/2021 18:09:00
馬浚偉擔任港台創作總監。
馬浚偉擔任港台創作總監。

馬浚偉(馬仔)近年工作好忙,剛出任TVB藝員訓練班校長,最近又傳會到港台看管電視部。今日馬仔現身港台出席內地劇集《號手就位》宣傳時,新任港台顧問(節目)何重恩宣布馬仔正式擔任港台創作總監。

馬仔落實會開拓音樂節目。
馬仔落實會開拓音樂節目。
新任港台顧問(節目)何重恩宣布馬仔被委以重任。
新任港台顧問(節目)何重恩宣布馬仔被委以重任。

馬仔表示自己最大興趣是做電視,所以一口應承,並指日後會將自己的創意提供給署長、副署長及台長來決定是否合用。問到會否很多掣肘?他笑言幾位高層思想開放,只是不會觸及政治議題,他說:「之前開咗會,我主力創作社服、文教、資訊及音樂節目。希望做一個《溫故知新》現代版,我入行做嘅第一個節目,係同黃霑一齊做嘅《江山如此多fun》,都幾好。我仲想做一啲藝術化劇場,搵人討論一下哲學等。」

他透露已落實開拓音樂節目,問是否取代之前離任的周國豐?他說:「唔係,我只係兼職,我呢刻都唔係公務員,冇可能將所有時間放喺呢度,但我會花好多時間喺這邊。(簽咗幾多年合約?)一年還一年,我都唔能夠承諾太多。」

其他文章
hd