首頁 即時娛樂

【姑丈變姑母?】自認性格奇怪屬異類 炎明熹:好多謝你哋鍾意

22/07/2021 19:30:00
炎明熹與姑丈感情深厚!
炎明熹與姑丈感情深厚!

16歲的炎明熹(Gigi)在前晚舉行的《聲夢傳奇》決賽當晚,以大熱姿態狂掃「《聲夢傳奇》專業評選大獎」、「《聲夢傳奇》觀眾熱選大獎」及全場總冠軍「《聲夢傳奇》傳奇新星」成為三料冠軍,Gigi得獎後在台上哭成淚人,不過原來坐在台下的姑丈激動爆喊,可見他們的感情極佳。

炎明熹笑言姑丈有多種身份。
炎明熹笑言姑丈有多種身份。
炎明熹自覺性格好奇怪,想不多竟然有這麼多fans支持!
炎明熹自覺性格好奇怪,想不多竟然有這麼多fans支持!


在昨晚播出的《聲夢傳奇 傳奇誕生》上,主持人森美提到家人的支持,Gigi大爆姑丈因照顧佢而要「變性」:「我覺得姑丈犧牲咗佢嘅性別。」搞到森美忍不住問是否要改口叫姑丈做「姑媽」?但其實原來Gigi想表達姑丈對自己的照顧是無微不至:「佢好似忍者咁分身,一日阿女、阿女、阿女咁叫我,有時佢會煮嘢食,烚雞胸、烚西蘭花、粟米撈蘿蔔,衫又會幫我鋪好晒,又會幫我換床單,洗衫、熨衫、抽濕乜嘢家務都會做晒!」森美笑說:「佢講到姑丈好似變咗媽媽咁,雖然佢嘅講法有啲奇特,但係都感覺到姑丈有幾咁錫佢!」

森美笑言GiGi的說法有點奇特!
森美笑言GiGi的說法有點奇特!
森美笑言給時間讓Gigi盡情講,殊不知她竟然將本薄漏了在家!
森美笑言給時間讓Gigi盡情講,殊不知她竟然將本薄漏了在家!


GiGi亦坦言想不到自己竟然有這麼多fans支持:「我覺得自己嘅性格好奇怪,有啲人會覺得我係異類,但係好多謝你哋鍾意!」比賽過後,本來GiGi準備了很多說話同大家講,在節目上,森美笑言給時間讓Gigi盡情講,殊不知她竟然說:「我有諗過準備一啲說話,就算我唔係攞冠軍又好,又或者冇攞到都好,我都希望可以錄條片出嚟講,但係我本嘢漏咗喺屋企,搞到我對手汗都出晒嚟,我幾期待支咪漏電,但係應該唔會!」

Gigi得獎後在台上哭成淚人,不過原來坐在台下的姑丈激動爆喊!
Gigi得獎後在台上哭成淚人,不過原來坐在台下的姑丈激動爆喊!
其他文章
hd