首頁 即時娛樂

【頭條獨家】老友未婚妻陳詩欣做媒人 鍾培生街邊食住雞蛋仔「選妃」

22/07/2021 19:45:00
可能見鍾培生好Dry,陳詩欣都忍唔住「介紹」囡囡畀對方識!
可能見鍾培生好Dry,陳詩欣都忍唔住「介紹」囡囡畀對方識!

百億富三代鍾培生與林作將於9月假九展Star Hall進行「林鍾一戰」,掀起全城熱話。早前,有網民翻摷2018年TVB播出的《女人四十》片段,當時鍾培生對主持田蕊妮直認「對異性需求大」,令阿田不禁說:「明白點解佢搵唔到女朋友。」自爆放長假18日做愛做足52次的鍾培生目前單身,可能好Dry,老友陳爾正(Joshua)的未婚妻陳詩欣都忍唔住開IG「介紹」囡囡畀對方識!採訪:梁志明

鍾培生於街頭疑透過陳詩欣手機揀女。
鍾培生於街頭疑透過陳詩欣手機揀女。
鍾培生邊食雞蛋仔邊睇IG靚女相,食到一額汗。
鍾培生邊食雞蛋仔邊睇IG靚女相,食到一額汗。


究竟鍾培生同陳詩欣有咩淵源?其實去年11月向陳詩欣求婚的陳爾正,與鍾培生是識於微時的好兄弟,近年兩人都有不少生意合作。日前傍晚6點半,陳詩欣跟Joshua出銅鑼灣搵鍾培生,《頭條日報》記者於總統戲院附近的小食店門口,撞到3人拉低口罩Share一份雞蛋仔兼吹水。其間,穿印上其口頭禪「No Bullshit. Let's go.」字樣白Tee的鍾培生,邊𡁻嘢食邊Talk,仲講到一額汗,佢不停用手臂抹額頭的汗,而在旁的陳詩欣正努力劃手機中,忽然好似發現「新大陸」般Show部機畀對方睇。

鍾培生睇完女即高談闊論,途人聽到都忍唔住偷笑。
鍾培生睇完女即高談闊論,途人聽到都忍唔住偷笑。
鍾培生入到冰室冇耐就掛住打機。
鍾培生入到冰室冇耐就掛住打機。


鍾培生個樣真係好特別
後來記者發現,原來陳詩欣於IG朋友堆中,物色靚女又騷相畀鍾培生過目,估計是想做「媒人」幫對方牽紅線;鍾培生睇完第一張相後,把口就冇停過Non-stop咁講,未知他又發表咩偉論呢?搞到企喺隔離的女顧客露出古怪的眼神,並偷偷恥笑他。看了幾張相,鍾培生似乎對其中一個女仔感興趣,更用自己手機影低陳詩欣個Mon,隨即狂打字,唔通「心動不如行動」私訊緊對方?之後,3人步行至附近冰室飲嘢,有「香港電競之父」之稱的他一坐低就打機,最後同陳氏情侶傾多45分鐘,便獨自乘的士回家。

鍾培生中途去報紙檔買水飲,乜冰室啲水唔啱飲咩?
鍾培生中途去報紙檔買水飲,乜冰室啲水唔啱飲咩?
鍾培生與林作將於9月假九展進行拳賽。
鍾培生與林作將於9月假九展進行拳賽。
鍾培生上節目自爆放長假18日做愛做足52次。
鍾培生上節目自爆放長假18日做愛做足52次。
其他文章
hd