首頁 即時娛樂

【頭條獨家】相隔年半再上台同黎明鬥Fit 鄭伊健做步兵買啡慰妻當運動

22/07/2021 21:15:00
伊健日前盡「廿四孝老公」責任,大熱天時撲出街買熱咖啡畀老婆飲。
伊健日前盡「廿四孝老公」責任,大熱天時撲出街買熱咖啡畀老婆飲。

有「隱世樓王」之稱的鄭伊健踏入收成期,在疫情下同太太蒙嘉慧(Yoyo)都深居簡出,就算出街也離不開淺水灣寓所一帶。靜極思動的伊健近日又再活躍幕前,繼早前拍攝育髮品牌廣告後,上周四(15日),1年半未踏舞台的伊健為黎明紅館騷擔任嘉賓,兩位Fit爆「五字頭」男神合唱一曲《友情歲月》,High爆全場!盛傳「古惑佬」伊健、小春與天華等將參與內地綜藝節目《哥哥的滾燙人生》,日前趁未出埠,伊健就盡「廿四孝老公」責任,大熱天時撲出街買熱咖啡畀老婆飲,見佢急步行,有電梯唔搭,唔會浪費每一個Keep Fit機會。採訪:張詠森

繼上次以「全黑浩南Look」食茶記後,伊健再以一身全黑短Tee短褲街坊Look落街。
繼上次以「全黑浩南Look」食茶記後,伊健再以一身全黑短Tee短褲街坊Look落街。
YoYo透過手機人肉聲控伊健落Order,最終喺30幾度高溫下叫咗熱咖啡。
YoYo透過手機人肉聲控伊健落Order,最終喺30幾度高溫下叫咗熱咖啡。


53歲的鄭伊健身材Fit爆,全靠平日勤做運動,好似早排幸福肥的蒙嘉慧跟友人去淺水灣公園開Live教拉筋,路過的伊健以一身運動Look驚喜現身,為老婆打氣。而平日,伊健都鍾意行路當運動,日前下午3時許,《頭條日報》記者就撞到佢從屋企步行到The Pulse商場,繼上次被本報拍得以「全黑浩南Look」落街食茶記後,當日他再以黑口罩、黑Tee襯黑短褲加黑鞋,急急腳殺上2樓文青咖啡店%Arabica買嘢飲。甫走到櫃枱,伊健即拎出手機撥個輪問問「家庭觀眾」,估計是詢問老婆大人有咩Order。

等攞咖啡期間,企埋喺角落的伊健不停眨眼,狀甚眼瞓。
等攞咖啡期間,企埋喺角落的伊健不停眨眼,狀甚眼瞓。
伊健由寓所行去商場5分鐘,再喺Coffee shop用5分鐘買咗兩杯咖啡,然後極速行返屋企。
伊健由寓所行去商場5分鐘,再喺Coffee shop用5分鐘買咗兩杯咖啡,然後極速行返屋企。


眼眨眨現攰樣
其間,未知伊健把聲是否太好認,即使他全程戴住口罩,但仍有顧客察覺到「浩南哥」的存在,一路回頭偷望伊健。跟電話中人講咗兩句,再同職員落埋Order,伊健便企喺角落頭一邊等一邊撳手機;未幾,他又抬頭睇吓啲嘢飲Ready未,見伊健不停眼眨眨周圍望,睇嚟好攰吓喎,難怪要買咖啡提提神。最後喺高溫30幾度下,他一來一回行咗十分鐘,原來只為買兩杯熱咖啡返屋企同Yoyo一齊歎;回程時有電梯唔坐,伊健偏偏揀行後樓梯離開,所以話「沒有肥中佬,只有懶中佬」,難怪咁Fit。

拎住兩杯熱咖啡的伊健,有電梯唔搭選擇行後樓梯離開,真係好健康。
拎住兩杯熱咖啡的伊健,有電梯唔搭選擇行後樓梯離開,真係好健康。
伊健邊到都冇去,喺The Pulse幫老婆買完咖啡就乖乖直接返淺水灣寓所。
伊健邊到都冇去,喺The Pulse幫老婆買完咖啡就乖乖直接返淺水灣寓所。
47歲YoYo早前跟友人直播教拉筋,其間失手露大肚腩。
47歲YoYo早前跟友人直播教拉筋,其間失手露大肚腩。
路過探班的伊健仲亂入睇風景。
路過探班的伊健仲亂入睇風景。
伊健上周四獲邀擔任黎明紅館騷嘉賓,年屆五十的二人身材狀態都Keep得好Fit。
伊健上周四獲邀擔任黎明紅館騷嘉賓,年屆五十的二人身材狀態都Keep得好Fit。
盛傳「古惑佬」伊健、小春與天華等將赴海口拍攝內地綜藝節目《乘風破浪的姐姐》的男版《哥哥的滾燙人生》。
盛傳「古惑佬」伊健、小春與天華等將赴海口拍攝內地綜藝節目《乘風破浪的姐姐》的男版《哥哥的滾燙人生》。
擁一頭招牌長髮的伊健,早前為育髮品牌拍廣告。
擁一頭招牌長髮的伊健,早前為育髮品牌拍廣告。
其他文章
hd