首頁 即時娛樂

【造星IV】阿Dee唔睇好女友 193叫花姐造馬讓妹妹入圍

23/07/2021 15:52:00
193阿妹和阿Dee女友都有份參加《造星IV》。
193阿妹和阿Dee女友都有份參加《造星IV》。

ERROR今日在活動上透露將會每日輪流參與奧運節目,郭嘉駿(193)踢爆梁業(肥仔)因為要拍MV,而要兄弟頂足4日廠期,取笑他走紅後變得囂張,保錡即笑說:「我幫到你呀,我係香港攝時間之王,哈哈。」肥仔解釋因為要跟姜濤拍攝合唱歌MV,保證是香港這幾年未出現過的曲風,何啟華(阿Dee)即笑說:「教堂嗰啲呀?」193續說:「《愛是不保留》嗰啲呀?」眾人又即席合唱《主能夠》,笑爆全場!

193自嘲阿妹唔知阿哥咁垃圾。
193自嘲阿妹唔知阿哥咁垃圾。
阿Dee笑言想叫花姐開隊「湊人數練習生」。
阿Dee笑言想叫花姐開隊「湊人數練習生」。

談到妹妹郭嘉盈參選《全民造星IV》,193自爆有叫花姐造馬讓妹妹入圍,但估計阿妹未能成功。他說:「阿妹事前有同我講,我叫佢唔好搞咁多嘢,阿妹連Big4嘅工作都辭咗嚟參賽,可能佢唔知阿哥咁垃圾,做193阿妹冇用㗎,做魯暉個妹先有用,哈哈。不過已經有大品牌搵阿妹拍廣告,希望之後搵埋我啦」肥仔踢爆193曾著自己教阿妹跳舞,但認為應由「形體大師」193親自教授,笑問193會否教阿妹重現經典表演《大懶堂》或斷手?他笑說:「斷手就唔好喇,要使十幾萬㗎!」

ERROR每次訪問都發放笑彈。
ERROR每次訪問都發放笑彈。
193笑指要做魯暉個妹先可以入圍《造星IV》。
193笑指要做魯暉個妹先可以入圍《造星IV》。

阿Dee同樣認為女友文芊澄未能入圍,皆因今年競爭激烈,並笑說:「想叫花姐開隊『湊人數練習生』,起碼家屬都有啲謝禮呀。」193即謂若兩個家屬都未能入圍99強,阿Dee便辭職,但自己會繼續拍廣告。保錡又指肥仔有份為《造星IV》「選妃」,但只是「有位就坐」幫忙教跳舞,沒有生殺大權,認真抵死!

其他文章
hd