首頁 即時娛樂

【頭條獨家】唔再嬲前度出軌送祝福 賴嘉賢撐保錡唔似八両金

23/07/2021 21:17:00
賴嘉賢唔再嬲前度保錡出軌偷食「沙律」,反而撐他個樣唔似八両金
似汪東城。
賴嘉賢唔再嬲前度保錡出軌偷食「沙律」,反而撐他個樣唔似八両金 似汪東城。

今年初ERROR成員吳保錡被爆背住模特兒「正印」賴嘉賢(Carrie)偷食張沛樂(沙律),Carrie嬲爆喺社交網發文連環追擊,最後保錡要停工過冷河。事隔半年一切回復正軌,Carrie冇再嬲,仲祝福及鼓勵前度要繼續努力。採訪:方騫平 攝影:梁志明 場地:丸十手和壽司

賴嘉賢見過鬼怕黑,下個擇偶條件要孝順及唔好花心 。
賴嘉賢見過鬼怕黑,下個擇偶條件要孝順及唔好花心 。
賴嘉賢唔再嬲保錡,亦唔介意將來合作。
賴嘉賢唔再嬲保錡,亦唔介意將來合作。

重提舊愛,Carrie承認當日真心嬲同埋傷心,所以表達得好激動!不過而家已經冇放喺心,問到係咪真心原諒咗對方?她說:「咁都相愛過,做人唔好回望,要有新生活及工作,我都想前進!我都有睇《ERROR自肥企画》短片,阿Dee嘅『鳳凰不死鳥』好好笑。」

覺得保錡似汪東城
對於保錡同沙津經常放閃,Carrie大方說:「佢哋OK咪OK囉!我戥佢哋開心,亦期待下個等緊我嘅人,唔介意將來合作演出。」不過,Carrie表明唔會鍾意花心男,但作為超級外貎協會,會鍾意返靚仔。對於保錡曾不忿被指似八両金開IG直播爆粗鬧網民!對此,Carrie為前度護航:「我唔覺得佢似八両金,講真我曾讚過佢似《飛輪海》成員汪東城,其實唔好似人,有自己風格最好,喺拍拖期間我畀咗唔少信心佢。」

Carrie日前做壽司店一日店長,親自做壽司畀女影迷食。
Carrie日前做壽司店一日店長,親自做壽司畀女影迷食。
當日保錡被爆背住賴嘉賢暗撻張沛樂,他於社交網站發文表達心聲。
當日保錡被爆背住賴嘉賢暗撻張沛樂,他於社交網站發文表達心聲。

保錡面對連番負面新聞曾暫停工作,一度被誤會係退團。
保錡面對連番負面新聞曾暫停工作,一度被誤會係退團。
保錡同張沛樂浪漫拍拖去睇紅葉被踢爆出軌。
保錡同張沛樂浪漫拍拖去睇紅葉被踢爆出軌。
Carrie眼中嘅保錡唔似八両金,反而似台仔汪東城。
Carrie眼中嘅保錡唔似八両金,反而似台仔汪東城。
其他文章
hd