首頁 即時娛樂

【導演也着迷】拍MV自肥慳5千學費 彭秀慧獲Edan親自指導彈琴

25/07/2021 01:45:00
有Edan暖男指導,難怪彭秀慧話「賺咗!」
有Edan暖男指導,難怪彭秀慧話「賺咗!」

導演兼舞台劇演員彭秀慧昨日(24日)在社交網上載與人氣組合MIRROR成員呂爵安(Edan)的合照,她更寫上令「爵屎」超級羨慕的留言:「身邊有好多人鍾意Edan,尤其係拍嘢嘅朋友,大家都覺得佢可塑聲好高,第一眼未必係最靚仔,但係越浸越濃嘅魅力,來自和藹可親嘅外表,但係又才華洋溢,搞笑又得,認真又得。嗰日拍MV捉住佢教我彈〈E先生〉嘅第一段,唔使比$5000學費,賺咗!」


彭秀慧與Edan在MV合作。
彭秀慧與Edan在MV合作。
Edan教彈琴。
Edan教彈琴。

原來當日彭秀慧為Edan新歌〈小諧星〉拍MV,歌曲前日(23日)出街,YouTube的觀看次數已逾62萬人次(截止昨晚11時)。她貼出多張照片中,除了被Edan搭膊頭合照外,又有頭貼頭的照片,而擁有8級鋼琴資格的Edan,還教彭秀慧彈《E先生》的第一段,雖然沒有捉住手仔教,但相信已令眾「爵屎」羨慕又妒忌。
作為導演的彭秀慧曾教過Edan演戲,不過因為對方太忙,以致甚少現身上堂,她留言:「嗰段時間啱啱好經歷《E先生》錄音同埋《膠戰》拍攝,所以嚟嘅次數唔多,仲係warm up階段,我覺得自己未真正認識佢,甚至冇認真傾過偈。後來喺MIRROR演唱會後台見到佢,內心雖然好想同佢打招呼,同佢講佢嗰part嘅演出真係好正,但係原來我好怕羞呀,真心唔好意思,驚佢唔記得我嘛。」相信今次在MV合作,可以令二人加深了解。

係咪捉住手仔?
係咪捉住手仔?
彭秀慧笑說賺了5,000元學費。
彭秀慧笑說賺了5,000元學費。

彭秀慧演出Edan新歌〈小諧星〉。
彭秀慧演出Edan新歌〈小諧星〉。
其他文章
hd