首頁 即時娛樂

【頭條獨家】同BTS撞款 巨腩撐爆8萬LV套裝 54歲鄧兆尊變「行走青花瓷」

26/07/2021 20:30:00
兆尊早前難得撇甩3位紅顏知己,以一身「BTS同款」LV Monogram夏威夷Look到銅鑼灣攞錶。
兆尊早前難得撇甩3位紅顏知己,以一身「BTS同款」LV Monogram夏威夷Look到銅鑼灣攞錶。

「祥嫂」洪金梅前年肺癌離世,有傳她留下15億遺產給四名子女,加上之前出售永祥大廈及楚留香物業套現,目前仍手持大幅西貢地皮的長子鄧兆尊,可謂完全唔憂做,近年都只為興趣上吓節目過日辰。繼攞正牌上ViuTV選美真人騷《造美人》𥄫女後,他又於TVB節目《日日媽媽聲》分享「一王三后」的生活,直言寧「不舉」也不結婚!3條Queen和睦相處,身為「時間管理大師」的兆尊平日都分配好時間陪大家,早前他就難得唧出一啲「Me time」,以一身「BTS同款」LV Monogram夏威夷Look,頂住個「巨腩」獨自現身銅鑼灣攞錶,潮得嚟遠睇仲十足「行走青花瓷」𠻹!採訪:梁志明

一身8萬蚊「行走青花瓷Look」的兆尊,頂住個「巨腩」落銅鑼灣攞錶。
一身8萬蚊「行走青花瓷Look」的兆尊,頂住個「巨腩」落銅鑼灣攞錶。
人氣韓星BTS成員Jin和車銀優都着過兆尊件名牌Monogram襯衫的彩色平價版。
人氣韓星BTS成員Jin和車銀優都着過兆尊件名牌Monogram襯衫的彩色平價版。


多年來盡享齊人之福的鄧兆尊,早前難得撇甩3位紅顏知己「大婆」Carmen、「二奶」Cherry(車厘子)和「G奶中女」陳小姐,單拖殺落銅鑼灣Shopping。為配合熱辣辣夏天,一身「Amazing Summer韓仔Look」的他,潮着藍白色LV Monogram Watercolor圖案刺繡襯衫,勁撞同色同Pattern滑板短褲;而有「臉蛋天才」之稱的男神車銀優,以及該品牌品牌代言人、韓國天團防彈少年團(BTS)早前做直播時,Jin亦有着過同系列的「MULTICOLOR平民版」,不過單計上衣,兆尊嗰件足足貴成10倍,一Set盛惠港幣80,850元,認真富貴!

車銀優
車銀優
兆尊拎上手Check完隻錶後,即隨手袋入右邊褲袋。
兆尊拎上手Check完隻錶後,即隨手袋入右邊褲袋。


奪命追魂Call返歸
當日晚上近7點,《頭條日報》記者見到鄧兆尊從希慎廣場步行至軒尼詩道,並於東方表行領取一隻疑似女裝錶,估計是先前攞咗去維修。進店後即獲兩位職員招呼,一個負責攞錶、一個核對資料,一向鍾意畀Cash的兆尊就在長銀包中,拎出厚厚一疊「大牛」逐張數畀對方,最終放低八張500蚊紙(合共4,000元),然後Check完隻錶再隨手放入右邊褲袋。其間,手腳纖幼的兆尊一側身拗腰收埋個銀包,成個大肚腩即刻現晒形,睇嚟陳小姐都好盡責餵飽另一半。辦完私人事後,兆尊便行回位於灣仔謝斐道的愛巢,火速將自己交番畀陳小姐。唔知係咪伊人急Call呢?沿途他仲不停撳電話覆Message,好Chur吓喎,難怪兆尊都話已虛耗盡啦!

習慣畀Cash的兆尊從長銀包取出八張「大牛」畀職員。
習慣畀Cash的兆尊從長銀包取出八張「大牛」畀職員。
等待職員辦理手續時,兆尊都爭取時間拎部iPad出嚟撳吓,個腩真係好巨型。
等待職員辦理手續時,兆尊都爭取時間拎部iPad出嚟撳吓,個腩真係好巨型。
兆尊離開時邊行邊低頭狂覆Message,唔知係咪俾伊人催呢?
兆尊離開時邊行邊低頭狂覆Message,唔知係咪俾伊人催呢?
兆尊辦完私人事便急急回位於謝斐道的寓所,交人畀陳小姐。
兆尊辦完私人事便急急回位於謝斐道的寓所,交人畀陳小姐。
陳小姐(中)好得寵,經常被兆尊「點燈」帶出街又上節目。
陳小姐(中)好得寵,經常被兆尊「點燈」帶出街又上節目。
「大婆」Carmen(右)和「二奶」車厘子(左)已跟隨兆尊多年。
「大婆」Carmen(右)和「二奶」車厘子(左)已跟隨兆尊多年。
兆尊在《日日媽媽聲》中形容自己為《西遊記》的唐憎,3位紅顏知己猶如徒弟般聯手擋妖魔鬼怪。
兆尊在《日日媽媽聲》中形容自己為《西遊記》的唐憎,3位紅顏知己猶如徒弟般聯手擋妖魔鬼怪。
兆尊早前上《造美人》𥄫女,遭旁白笑他偏好「有啲肉地」的女仔。
兆尊早前上《造美人》𥄫女,遭旁白笑他偏好「有啲肉地」的女仔。
其他文章
hd