首頁 即時娛樂

【頭條獨家】未打算捧新人 陳果笑MIRROR無處不在 黃又南買樓花蝕20萬嚇親

28/07/2021 21:00:00
陳果大讚又南處事和演技更成熟,後者也坦言不想再當「𡃁仔」,希望透過《鬼》片轉型。
陳果大讚又南處事和演技更成熟,後者也坦言不想再當「𡃁仔」,希望透過《鬼》片轉型。

由16歲被發掘參演處男作《香港有個荷里活》,到《那夜凌晨,我坐上了旺角開往大埔的紅VAN》及新片《鬼同你住》,黃又南與導演陳果至今合作20年,後者大讚對方處事和演技更成熟,又南坦言不想再當「𡃁仔」,希望透過《鬼》片轉型,飾演地產經紀的他更有露股鏡頭,非常突破!說到本港樓市,早年跟別人夾份買樓花的又南,自爆蝕20萬離場,令他自覺冇「上車運」,故寧專心為演藝事業打拼,也不當「樓奴」!撰文:黎寶倫攝影:張詠森化妝、髮型:Henry Tse@BigCstyling服裝:Ted Baker

又南直言受師父陳果的影響,多年來對拍戲仍很有火,看到對方的成就,也自覺要再努力一點。
又南直言受師父陳果的影響,多年來對拍戲仍很有火,看到對方的成就,也自覺要再努力一點。
香港樓價高企,又南放棄「上車」夢更輕鬆,陳果也認為:「而家上車盞死,永遠陀住條數,好大壓力。」
香港樓價高企,又南放棄「上車」夢更輕鬆,陳果也認為:「而家上車盞死,永遠陀住條數,好大壓力。」



由陳果執導的驚慄喜劇《鬼同你住》,借鬼故諷刺荒謬的香港樓市現象,陳導說:「凶宅呢個題材好多戲都拍過,我覺得加入香港住屋嘅社會問題,成件事就多咗啲衝擊,冇齋嚇人咁單調。」

人哋膁自己就蝕冇上車運
3年前,又南曾揚言努力賺錢買樓,報答母親養育之恩,惜這兩年經歷疫情,導致工作不穩影響收入,眼見樓市愈來愈高不可攀,如今他也打消「上車」念頭,「而家買樓愈嚟愈貴,小學同學間屋4、5百呎都900幾萬,所以都係儲多啲錢先。做演員都想畀唔同可能性自己,但一上車,每個月都要搞掂供樓,好多嘢就箍實晒做唔到,我唔想咁。」提到早年與胞姊當時男友夾買樓花,最終為止蝕心急放盤,倒蝕20萬離場,未料一年後卻狂升400多萬,令又南自覺沒上車運,「呢啲嘢永遠唔會喺我身上發生,我係要實幹,靠自己搵番嚟。」

又南最難忘正式Roll機時,劇組竟換上血淋淋真豬腸給他與童星咬,陳果澄清其實是滷水腸。
又南最難忘正式Roll機時,劇組竟換上血淋淋真豬腸給他與童星咬,陳果澄清其實是滷水腸。
又南曾揚言努力賺錢置業贈家人,惜早年與人夾份買樓花卻蝕20萬。
又南曾揚言努力賺錢置業贈家人,惜早年與人夾份買樓花卻蝕20萬。



盼MIRROR改變娛樂圈生態
當年陳果一手發掘Shine兩大少男Idol,最近輪到MIRROR和ERROR崛起,問獨具慧眼的他可會再提拔新人?陳果稱視乎劇本、角色及製片人的要求,但認為近年港片預算不多,相信不少新面孔能彈出,並謂「ViuTV嗰班藝人」將來必獲斟拍電影。不過,對於電視演員踩入影壇,陳果指觀眾接受程度一般較低,「睇電視唔使錢就睇啫,入戲院要畀錢就唔知點咁。(唔敢搵電視人拍戲?)世界係變緊,而家未知呢種現象有冇改變。」

雖暫未計劃跟MIRROR和ERROR合作,但他笑道:「製片叫到唔通同錢拗氣咩!(有睇過佢哋作品?)我有睇電視,有少少飽,唱歌、做戲、主持、廣告都係你!我有少少攰,可能年輕觀眾唔覺得係問題,我都覺得旺,係好現象,但要睇將來,最難係維持曝光率同人氣,希望佢哋Keep到,改變某啲生態或舊諗法,咁香港又多好多人用。」面對長江後浪推前浪,作為男團始祖的又南也自言會努力,「我都要Run住副偈,等自己唔好生疏。」

患腦退化症的黃爸爸於去世12月離世,成為一家之主的又南努力工作擔起頭家。
患腦退化症的黃爸爸於去世12月離世,成為一家之主的又南努力工作擔起頭家。
2002年出道的Shine成員又南和徐天佑(左)均由陳果一手發掘,當年橫掃各大頒獎禮,人氣一時無兩。
2002年出道的Shine成員又南和徐天佑(左)均由陳果一手發掘,當年橫掃各大頒獎禮,人氣一時無兩。
人氣男團MIRROR近來廣告接到手軟,加上新歌、節目和劇集,無處不在,難怪陳果都笑言有啲飽。
人氣男團MIRROR近來廣告接到手軟,加上新歌、節目和劇集,無處不在,難怪陳果都笑言有啲飽。
雖然拍劇能作出更多嘗試及賺錢,但陳果認為電視圈的流水作業,難免令電影演員「滑晒啞」。
雖然拍劇能作出更多嘗試及賺錢,但陳果認為電視圈的流水作業,難免令電影演員「滑晒啞」。
陳果憑執導電影《三夫》捧起曾美慧孜(中)和陳湛文,惜他認為近年已難發掘本土新演員。
陳果憑執導電影《三夫》捧起曾美慧孜(中)和陳湛文,惜他認為近年已難發掘本土新演員。
又南先後參演陳果執導的電影《香港有個荷里活》和《那夜凌晨,我坐上了旺角開往大埔的紅VAN》。
又南先後參演陳果執導的電影《香港有個荷里活》和《那夜凌晨,我坐上了旺角開往大埔的紅VAN》。
《那夜凌晨,我坐上了旺角開往大埔的紅VAN》劇照
《那夜凌晨,我坐上了旺角開往大埔的紅VAN》劇照
其他文章
hd