首頁 即時娛樂

譚旻萱讚193有親和力 享受與男主角合作有火花

29/07/2021 21:17:00
譚旻萱(Mandy)為《你是我的Bae》做MV女主角。
譚旻萱(Mandy)為《你是我的Bae》做MV女主角。

前樂隊Dusty Bottle的鍵琴手JNYBeatz最近聯乘193(郭嘉駿)推出派台歌《你是我的Bae》,並邀請譚旻萱(Mandy)做MV女主角,上演兩子爭一女的瞹眛情節。Mandy早前為Edan@MIRROR擔任《E先生連環不幸事件》的MV女主角,今次又獲邀請,成為MV女角搶手貨,她笑說:「我好享受同每一個男主角合作所帶出嘅火花,佢哋兩個喺好努力之下得到而家嘅成績,我好敬佩佢哋,不過我又唔會覺得自己係低人一等,大家互相尊重,大家合作,我一定要放百份百嘅力,會做好件事。」

Mandy與JNY有車上談情戲。
Mandy與JNY有車上談情戲。
193被Mandy讚有親和力。
193被Mandy讚有親和力。


至於兩個男神又是否自己喜歡的類型?Mandy笑說:「我用自己為出發點,用顏色嚟形容,193係橙色,係親和力好強嘅人;Edan係淡紫色,好柔和情歌王子嘅感覺,兩個唔同嘅感覺,我個人好直、好鍾意玩,如果性格上會係Edan嗰種會夾啲,當然我唔敢同大家搶啦,放心、放心!」


相比之下,JNY則表示有點緊張:「係需要啲時間warm up,始終係自己第一個MV所以有啲緊張……」在旁的193打趣問:「定係驚同女性有身體接觸老婆會嬲呀?」JNY說:「兩樣都有啲啦。」Mandy反而覺得JNY很入戲,塑造出一個高冷慢熱的形象:「佢比較慢熱,所以我要aggressive啲,不過熟絡啲之後就拍得好舒服。」193發揮搞笑本色插嘴說:「JNY有家室㗎,啲用字小心啲呀你,哈哈!」他亦笑言會自己加戲,因為在車上引發很多遐想。

其他文章
hd