首頁 即時娛樂

【頭條獨家】首個紅館騷疫情延期換埋主題 方皓玟讚囝囝生性唔阻做準備

29/07/2021 19:35:00
方皓玟近期忙於籌備《LOST n FOUND演唱會》,幸好囝囝夠生性冇投訴。
方皓玟近期忙於籌備《LOST n FOUND演唱會》,幸好囝囝夠生性冇投訴。

方皓玟(小明)將於8月26至29日舉行一連4場《LOST n FOUND演唱會》,首個紅館騷因疫情由去年4月延至現在,就連主題「Spring of Hope」也改為「LOST n FOUND」,小明坦言因這兩年香港氣氛環境變化太大,身為3歲囝囝安田龍加媽咪的她感受特別深,她笑言近日忙搞騷但囝囝好生性冇投訴,仲主動轉房瞓唔阻媽咪休息。撰文:杜淑霞 攝影:譚壹致 髮型:Jimmy White@INGULGENCE 化妝:CircleCheung@ndnco.

小明希望去支持個唱的樂迷,放低平常一切,好好享受個騷。
小明希望去支持個唱的樂迷,放低平常一切,好好享受個騷。
小明17年跟前男子團體R-ICE日本成員安田慎吾結婚。
小明17年跟前男子團體R-ICE日本成員安田慎吾結婚。




小明指演唱會改期後,整個演唱會由主題到內容都有改變,「一改期你feel到社會氣氛同埋大環境,大家嘅心態係有改變,我覺得唔可以再用番2020年4月個期嘅『Spring of Hope』去擺喺𠵱家,𠵱家大家心態再踏實咗,嗰時我哋覺得香港人需要希望嘅出口,就用咗狄更斯《雙城記》入面『Spring of Hope』,𠵱家用『LOST n FOUND』有近似鼓勵,『LOST n FOUND』係比喻香港人呢兩年失去到變到人性昇華,樣嘢係好靚。」

小明囝囝安田龍加今年3歲,她坦言要做Working Mom不容易。
小明囝囝安田龍加今年3歲,她坦言要做Working Mom不容易。
去年為演唱會做準備,令小明愛上打泰拳。
去年為演唱會做準備,令小明愛上打泰拳。




想搵生活智慧


小明17年跟前男子團體R-ICE日本成員安田慎吾結婚,翌年誕下兒子,在疫情下她「LOST」也不少,作為媽媽感覺更強烈,「淨係個BB要教佢戴口罩,佢未肯戴口罩我唔敢帶佢出街,疫情賦予我哋好多生活上限制,不過好似我poster(演唱會)都有句講,面對失敗同挫折個失去,其實要擁抱,人唔經過一啲挫折失敗,永遠唔知道弱項同極限喺邊,所以你要去感受LOST,然後搵到自己出口昇華成更強大嘅人。(最想「FOUND」?)我希望有更大智慧去面對生活上嘅事,𠵱家做媽媽唔容易,做香港人都唔容易,每日好多東西需要消化,好需要生活智慧,你唔識得自己撫平傷口啲瘡疤會好多。」



近期小明除籌備演唱會,又剛推出新歌《你好嗎》,還即將推出專輯,但老公身在日本工作,獨力照顧囝囝的她幸好未收到投訴,「佢好生性,直情生性到唔知係咪知道我有嘢做,本嚟佢同我瞓,佢走咗過去隔離房同我媽媽瞓,我每日做嘢又唔騷擾我,我阿媽話你生個仔好生性喎!識得就住你個schedule,我收得夜返去,攬吓佢同佢傾吓偈睇吓書,咁佢又好滿足啦!」

為了演唱會,小明近日密密排舞。
為了演唱會,小明近日密密排舞。
近年太重無力感的小明覺得難以創作,所以新歌《你好嗎》邀請了徐繼宗作曲和林夕填詞。
近年太重無力感的小明覺得難以創作,所以新歌《你好嗎》邀請了徐繼宗作曲和林夕填詞。
其他文章
hd