首頁 即時娛樂

【靚媽唔易做】自稱可減腰痛助產後修身 楊焉懷孕34周堅持做瑜伽

30/07/2021 06:00:00
Carol強調除非每日操幾個鐘,否則不會有大問題。
Carol強調除非每日操幾個鐘,否則不會有大問題。

「浸大咪神」前名楊梓瑤的楊焉(Carol)退出娛樂圈後轉型成為瑜伽導師,早前宣布喜訊正在懷孕中,至今已34周,尚有一個多月BB便出世。未知是否教開瑜伽,她與林芊妤(Coffee)一樣都在陀B期間繼續做瑜伽及運動,而且是器械種類,睇見都令人驚訝。不過Carol好少理,昨日(29日)更打了一大段留言講解:「好多人鍾意畀意見都唔夠,仲好想你採用佢嘅意見,要食乜維他命、用邊個陪月、邊個醫生、喺邊到生,當然大部分都為你好,而且佢哋親身經歷過,但呢啲唔等於你認同,可以堅持自己嘅意向的確係一門藝術。我已經將所有嘢減至6至7成,我一直都強調,‼️懷孕期間做能力範嘅嘢,唔係走去學新嘢,媽媽嘅危機意識其實好強,只係其他人明白唔到。」

倒立毫無難度。
倒立毫無難度。
Carol當年有「浸大咪神」稱號。
Carol當年有「浸大咪神」稱號。

Carol不諱言曾經有想過如果用腹肌整親BB怎麼辦,但她認為除非每日操幾個鐘,一星期操七日都是核心運動,否則一星期鍛鍊一、兩日,可以保持肌肉彈性及記憶,產後便不用浪費金錢去紮肚,更以四點支持自己的意見:「第一,你冇咁易拗腰令下腰過分負重而引致腰痛;第二,減輕膝頭的負荷;第三,balance得好啲冇咁易跌親或拗柴;第四,產後收復容易好多。」不過她陀B舉重,始終都要小心一點。

28周時舉重。
28周時舉重。
真係陀B中?
真係陀B中?

其他文章
hd