首頁 即時娛樂

【頭條獨家】《大叔》帶挈首為動畫配音 Edan下期出糧六位數畀晒媽咪

29/07/2021 23:09:00
《大叔的愛》餘溫令呂爵安首次為動畫配音,下期出糧更有六位數畀媽咪。
《大叔的愛》餘溫令呂爵安首次為動畫配音,下期出糧更有六位數畀媽咪。

雖然《大叔的愛》已播畢,但餘溫仍然厲害,Edan(呂爵安)和Anson Lo(盧瀚霆)的「牧田CP」獲不少品牌垂青,「田田」除拍賀歲片,更拍住陳欣妍首次為動畫《反轉方舟動物團》配音。Edan單喺今年上半年已因多方面接Job進帳6位數,更暫時贏Ian(陳卓賢)少少成為MIRROR「吸金王」季軍,僅次姜濤及Anson Lo。據知,Edan身價仲三級跳,廣告價已飈升到20萬!採訪:方騫平 攝影:譚壹致

活潑Edan 呂爵安處男下海聲演動畫《反轉方舟動物團》,睇佢幾活潑可愛。
活潑Edan 呂爵安處男下海聲演動畫《反轉方舟動物團》,睇佢幾活潑可愛。
把聲好夾

呂爵安及陳欣妍形容各自各配音似網友關係,但兩人把聲好夾。
把聲好夾 呂爵安及陳欣妍形容各自各配音似網友關係,但兩人把聲好夾。

「牧田CP」深受歡迎,呂爵安希望挾住人氣吸引觀眾入場睇他首套聲演的動畫《反轉方舟動物團》,片中Edan聲演10歲的貪玩長鼻獸菲尼,而陳欣妍(Shirley)就聲演黑面狐莉亞。

多懶音奇怪有得配音

最初聽到接咗配音job,Edan坦言好奇怪:「我出名多懶音,講嘢又螺脷,追問花姐有冇聽錯,係咪玩我呀?不過,做咗先啦!咪當作挑戰、嘗試同埋學習機會,最怕問多幾句唔要我。所以都有壓力怕會錄好耐,好彩有專業配音員督導,用咗兩日時間順利搞掂。」Shirley同樣係初試啼聲,她大讚Edan配得好生動鬼馬,反而她愈錄愈起勁時控制唔到手腳,而且keep住同一聲線都有啲難度。Shirley對Edan讚不絕口:「片中Edan既善良又勇敢,而且好有義氣,我都覺得有啲似佢,佢個人好樂觀,帶畀大家好多正能量,而且好有喜感,有幽默感嘅男仔唔會悶親人,隨時令到大家開心,呢啲男仔會加分!」

期待續集 「牧田CP」深受歡迎,觀眾期待拍Part 2或者電影版。
期待續集 「牧田CP」深受歡迎,觀眾期待拍Part 2或者電影版。
孝順父母

Edan係孝順仔,最想置業安頓家人。
孝順父母 Edan係孝順仔,最想置業安頓家人。

感恩多機會覺得奇蹟

憑《大叔的愛》爆紅嘅「田田」的廣告價由10萬升至20萬,知情人士爆料指Edan去年未爆紅時廣告價只收5萬,一年酬勞三級跳。有「田田」加持,Edan更險勝Ian成為MIRROR「吸金王」季軍。對此,24歲Edan冇否認,仲答得非常坦白:「希望係啦!我唔知佢哋(搵)幾多。不過都好感恩有咁多機會,最初都冇諗過會咁,只係想喺25歲做到啲成績出嚟,因為好多嘢冇得控制。我覺得一切係奇蹟嚟,運氣同實力,運氣係佔大多數,但運氣唔可以用一世,𠵱家努力提升實力。」語畢他抵死說:「我同AL『出巡』惹嚟哄動,只係因為有劇集加持,啲人好奇睇吓我哋乜料啫!」

記者追問一直恨送樓畀家人住嘅Edan,夠錢置業未?他即耍手話未夠:「邊得咁易(買樓)呀…好耐先出一次糧,下期出糧應該ok,好過以前嘅5位數,應該突破有6位數字收入(扣除成本及公司拆佣),我會畀晒阿媽做儲蓄。」

不眠狂踩 爆紅嘅呂爵安狂搵錢,不眠不休連踩40小時搞到鬚根都出埋,翌日晨早5點又要出動。
不眠狂踩 爆紅嘅呂爵安狂搵錢,不眠不休連踩40小時搞到鬚根都出埋,翌日晨早5點又要出動。
搶眼波罅

呂爵安勝在冇偶包,乜都敢試好有喜感,呢張夾波罅婚紗相相當搞笑。
搶眼波罅 呂爵安勝在冇偶包,乜都敢試好有喜感,呢張夾波罅婚紗相相當搞笑。
人山人海 𠵱家Edan和「教主」人氣飈升,去到邊都人山人海,不過Edan謙稱只係大家好奇,出嚟睇吓兩人係乜料啫。
人山人海 𠵱家Edan和「教主」人氣飈升,去到邊都人山人海,不過Edan謙稱只係大家好奇,出嚟睇吓兩人係乜料啫。
人氣第二

Edan人氣急彈,成為MIRROR IG人氣王第2名,吸粉38萬4千僅次42萬4千嘅教主,姜B暫時有36萬5千粉絲排第3位!
人氣第二 Edan人氣急彈,成為MIRROR IG人氣王第2名,吸粉38萬4千僅次42萬4千嘅教主,姜B暫時有36萬5千粉絲排第3位!
拍住姜B 今年上半年Edan同姜B拍住上賺錢拍咗個快餐店廣告,廣告中姜濤化身進擊小鮮肉喺Edan耳邊吹氣,令Edan重演反白眼表情。
拍住姜B 今年上半年Edan同姜B拍住上賺錢拍咗個快餐店廣告,廣告中姜濤化身進擊小鮮肉喺Edan耳邊吹氣,令Edan重演反白眼表情。
生鬼組合

最近同經理人花姐一齊拍嘅電子錢包廣告,兩人拍得好生鬼。
生鬼組合 最近同經理人花姐一齊拍嘅電子錢包廣告,兩人拍得好生鬼。
拍賀歲片 Edan憑住獨特喜感被吳君如睇中拍賀歲片《闔家辣》,首次擠身大銀幕!
拍賀歲片 Edan憑住獨特喜感被吳君如睇中拍賀歲片《闔家辣》,首次擠身大銀幕!
快啲長大

Shirley話自己唔夠動畫中角色咁大膽,但同樣都係細細個想快啲做大人。
快啲長大 Shirley話自己唔夠動畫中角色咁大膽,但同樣都係細細個想快啲做大人。
其他文章
hd