首頁 即時娛樂

【頭條獨家】AK有份做嘉賓預佢搶風頭 鄧建明雷有輝開Show前操肌狀態大勇

30/07/2021 01:08:00
鄧建明同雷有輝狀態都咁fit,點會怕AK做嘉賓搶晒風頭呀!
鄧建明同雷有輝狀態都咁fit,點會怕AK做嘉賓搶晒風頭呀!

太極樂隊將於8月7及8日假紅館舉行《Rainbow After Rain演唱會》,連日來5子積極備戰,而MIRROR成員AK就喺社交網開心自爆將會擔任太極演唱會7號晚嘅嘉賓,令唔少「生粉」撲飛入場「應援」。Joey Tang大讚AK既玩得又夠Rock,強調唔怕被搶風頭:「哈!佢離開咗個台,風頭又落喺我哋度!」採訪:方騫平 攝影:譚壹致 場地:Alive fitness HK @尖沙嘴喜利大廈

鄧建明及雷有輝狂操gym,狀態大勇。
鄧建明及雷有輝狂操gym,狀態大勇。
Joey腰背腳都好有力。
Joey腰背腳都好有力。

日前太極成員鄧建明(Joey Tang)及雷有輝(Patrick)約埋去健身中心加操,務求喺最fit狀態下演出,見兩人玩完對打拳擊,又喺指導下係咁操出手臂線條,狀態大勇。

Pat哥唔玩下身,主要操上身線條。
Pat哥唔玩下身,主要操上身線條。
AK喺社交網開心自爆將會擔任太極演唱會7號晚嘅嘉賓。
AK喺社交網開心自爆將會擔任太極演唱會7號晚嘅嘉賓。

鍾意AK成熟又好傾
Joey於3年前發現有脂肪肝,要的起心肝減肥,𠵱家成功踢走脂肪肝,健康理想。問到男人係咪著重狂操腰背部位嚟keep住力度?Pat哥大笑說:「最重要嘅事(傳宗接代)經已成功咗。」Joey就話操腳重要啲,係男性荷爾蒙及淋巴最多部位。Joey又說:「我唔鍾意做啲『衰嘢』,所以唔操腳!」講到拳擊對打,Joey仲自爆係rock友,試過喺Patrick飯局上飲咗支唔靚嘅酒同最靚仔嘅隊友(Ricky Chu)有推撞,殃及出手撞開嘅和事老Pat哥,不過大家鬧完就冇事,唔會傷兄弟情:「𠵱家rock嘢放喺枝結他度,搞到枝結他會著火!」而他請埋rock友AK喺7號晚演唱會一齊玩,Joey說:「佢好好傾,個人又成熟兼好玩,同埋聽佢首《黑之呼吸》好正,我哋預咗畀人搶風頭,Party梗有搶風頭朋友啦!」

Pat哥做咗爸爸,完成傳宗接代責任。
Pat哥做咗爸爸,完成傳宗接代責任。
Pat哥出新歌《昭和寫真》送畀已故隊友Gary。
Pat哥出新歌《昭和寫真》送畀已故隊友Gary。
太極推出5周年演唱會Deluxe紀念品box set,由Joey設計主題T恤。
太極推出5周年演唱會Deluxe紀念品box set,由Joey設計主題T恤。
太極樂隊5子吵完都唔會有隔夜仇。
太極樂隊5子吵完都唔會有隔夜仇。
其他文章
hd