首頁 即時娛樂

新戲預備3年為等林婷出現 溫碧霞:佢有我細個嘅氣質

30/07/2021 12:17:00
溫碧霞55歲生日獲劇組慶生,她與林婷在戲中分飾主角的成年版和少女版。
溫碧霞55歲生日獲劇組慶生,她與林婷在戲中分飾主角的成年版和少女版。

溫碧霞(Irene)今日(20/7)55歲生日,昨日她為新片《我們的十八歲》拍攝結婚戲,獲劇組窩心送上蛋糕慶祝,並接受狄龍、陳豪、文雪兒等人祝賀。
今次在影片中,Irene與林婷於戲中分別飾演主角「Elaine」的成年版及少女版,Irene說:「感覺好似做返自己,係一個少女成長嘅故事,劇本有少少以我長大嘅經歷去作為藍本。」她表示電影主旨是希望大家懂得珍惜所有身邊人,及以正面的心態去面對挫折:「好多好感動嘅位,同埋小時嘅經歷真係改變我好多,我諗一部少女成長嘅故事,好多人會有共鳴。」
對於在這部電影身兼三職,同為出品人、監製及演員,Irene表示劇本其實已預備了3年,直到今時今日才開拍是等林婷的出現。Irene說:「選角方面好難搵人演我嘅少女版,我細個時嘅感覺同氣質好難搵,我哋見好多女演員,內地同香港都有,直至今年俾我遇到林婷,一見佢就覺得係佢,佢有我嗰陣嘅氣質,感覺好純,導演都鍾意,覺得好啱。」

拍結婚戲同時慶生。
拍結婚戲同時慶生。
陳豪祝賀Irene生日。
陳豪祝賀Irene生日。



林婷首次為電影擔演主角,更由18歲演到26歲的階段,坦言有難度:「因為每個年齡心境都會有變化,要去分析同導演去傾,同埋要分得好清楚角色每一場戲嘅心情,係一個挑戰。」
飾演林婷好友的楊偲泳(Renci)在戲中要拍攝床上戲,她謂導演非常細心,自己亦作好心理調節:「性感尺度唔係好大,係可接受範圍,我唔特別擔心但都希望大家唔好專注咗落去。」
狄龍及文雪兒則飾演「Elaine」的父母,二人異口同聲表示上次合作已是40多年前的電影,但因二人相識多年亦時有聚會,所以拍攝時默契十足。

狄龍
狄龍
文雪兒
文雪兒

劇組日前舉行開鏡拜神儀式。
劇組日前舉行開鏡拜神儀式。
楊偲泳與林婷演閨密。
楊偲泳與林婷演閨密。
溫碧霞身兼出品人、監製及演員3職。
溫碧霞身兼出品人、監製及演員3職。
全女班
全女班
文雪兒與狄龍好有默契。
文雪兒與狄龍好有默契。
其他文章
hd