首頁 即時娛樂

【咁記仇】唱《E先生》前被花姐潑冷水 Edan曾擔心唔會變hit歌

31/07/2021 07:45:00
雖然演繹《E先生》前Edan曾被花姐潑冷水,但憑Edan努力仍然成為hit歌。
雖然演繹《E先生》前Edan曾被花姐潑冷水,但憑Edan努力仍然成為hit歌。

音樂串流平台JOOX公佈「聽推介2021年中榜」,MIRROR成員在20首歌曲中佔上7個席位成為大贏家,當中Edan更憑《E先生 連環不幸事件》榮登榜首,Edan喜出望外指是天時、地利、人和的配合:「當初創作《E先生》時雖然個人好鍾意,但唔知大家係咪同自己一樣,都冇乜信心,好記得花姐講過『呢首歌如果由其他歌手唱應該會大熱』呢番話令我好深刻,因為當時冇太多人留意MIRROR,擔心聽嘅人唔多。到𠵱家首歌咁受大家喜愛,我認爲係天時、地利、人和。」他認為,對於新人的第一首歌來説,是很大的鼓舞,被問到會否試唱快歌,Edan回應:「暫時冇呢個想法,因爲快歌和跳舞唔係我嘅強項。」

另外,隊友姜濤的《Master Class》奪第5位;Ian(陳卓賢)的《DWBF》得第7位;Jer(柳應廷)的《狂人日記》獲第8位;Anson Lo(盧瀚霆)的《EGO》位列第11位;Anson Kong(江爗生)的《黑之呼吸》得第13位。AL指歌曲得到好成績,除了靠音樂人及歌手的努力外,還有賴「爵屎」及「神徒」身體力行,每日都單曲循環,實在功不可沒。而Jer希望大家繼續留意他的重生第三部曲!

MIRROR成員Edan、姜濤、AL、AK、Jer、Ian齊奪獎。
MIRROR成員Edan、姜濤、AL、AK、Jer、Ian齊奪獎。
Edan多才多藝,仲係高材生。
Edan多才多藝,仲係高材生。

其他文章
hd