首頁 即時娛樂

【頭條獨家】行街不忘買朱古力冧囝囝 陳敏之約友食Tea傾到皺眉

01/08/2021 21:30:00
敏之日前約友人到又一城食Tea,之後再獨自去Shopping,其間不忘買嘢畀囝囝。
敏之日前約友人到又一城食Tea,之後再獨自去Shopping,其間不忘買嘢畀囝囝。

人稱「索腿天后」的陳敏之自從2016年為丈夫雷偉信誕下兒子雷子樂(冬至)後,便大大減產專心相夫教子。見囝囝日漸成長,樂得清閒的她都開設YouTube Channel,分享生活點滴及約友Chit Chat,首集便邀得老友伍詠薇大玩有味快問快答,而日前出席奧運開幕活動,她更獲大批粉絲撐場。拍片保持曝光之餘,敏之都記得為囝囝安排暑期活動,日前她約友人在又一城食Tea,之後再獨自去買衫及朱古力,買衫畀自己,朱古力就梗係買畀囝囝。採訪:譚壹致

敏之的手機殼印上愛子萌樣,好搶Fo!
敏之的手機殼印上愛子萌樣,好搶Fo!
敏之講到皺晒眉非常肉緊。
敏之講到皺晒眉非常肉緊。



日前下午3點半,《頭條日報》記者於又一城撞到陳敏之與兩名友人,在餐廳邊傾邊食Tea,只見她表情多多,間中又拎個手機畀人睇,仲講到皺晒眉非常肉緊;細心一望,有仔萬事足的她,原來還在手機殼上印了兒子「冬至」的萌樣,足見「前世情人」地位超然!跟友人吹足1小時,敏之埋單後便獨自在商場內Shopping,戴上白色Cap帽、黑超的她孭到一袋二袋,走到平民時裝店H&M掃貨。

敏之甫進店先揀Sporty女裝。
敏之甫進店先揀Sporty女裝。
之後到童裝部揀褲仔畀冬至。
之後到童裝部揀褲仔畀冬至。



買衫買玩具再買朱古力
主攻女裝Sporty look的敏之煲住電話粥揀衫,好快就睇中一件波衫及一件白色雞翼袖Crop hoodie;之後,手上已抽住一袋玩具反斗城戰利品的她,又到童裝部揀褲仔畀「冬至」。最後畀完錢仲未捨得返屋企,敏之落到樓下買朱古力,如無意外應該買畀囝囝食;接着去客戶服務部蓋車飛,再買埋飯糰及一支茶就返回停車場取車走人。

臨走前敏之又買了一包朱古力畀囝囝。
臨走前敏之又買了一包朱古力畀囝囝。
蓋完車飛,敏之買埋飯糰和茶便回停車場。
蓋完車飛,敏之買埋飯糰和茶便回停車場。
敏之趁暑假頻頻帶冬至出海玩水。
敏之趁暑假頻頻帶冬至出海玩水。
敏之出席奧運開幕商場騷時獲大批粉絲撐場。
敏之出席奧運開幕商場騷時獲大批粉絲撐場。
敏之的YouTube節目首集請來伍詠薇當嘉賓。
敏之的YouTube節目首集請來伍詠薇當嘉賓。
其他文章
hd