首頁 即時娛樂

龔嘉欣等待對的人 黎諾懿拒介紹筍盤: 佢開口排到落樓下

02/08/2021 17:30:00
黎諾懿笑言嘉欣要筍盤,一開口排到落樓下。
黎諾懿笑言嘉欣要筍盤,一開口排到落樓下。

龔嘉欣和黎諾懿今日出席慈善團體開幕活動,提到4歲囝囝「小春雞」日前被蚊咬到右耳腫到變「豬耳」,黎諾懿表示當時正在清洗用具,兒子在室外玩掘泥。他說:「我諗佢成隻耳仔起碼被咬咗四、五啖,腫咗兩倍,佢返入嚟咬到腫晒,我個心寒一寒,老婆嬲咗我兩日。」他表示兒子被蚊咬後發燒,為了照顧兒子兩晚無覺好瞓,不過教導兒子下次被蚊咬要返入室內,自己亦受到教訓,以後清洗用品應交由工人姐姐處理。他更透露現正懷孕的太太預產期為12月初,性別則由太太公布。

龔嘉欣等待對的人出現。
龔嘉欣等待對的人出現。
Bob、龔嘉欣等出席慈善活動。
Bob、龔嘉欣等出席慈善活動。

龔嘉欣對於不時探望好友陳凱琳(Grace)的兩名兒子悅(Rafael)和鄭承亮(Yannick),她笑言自己做保姆,更試過接返學、放學,提早感受母親的生活。她說:「好享受母親的生活,等緊對的人出現。」當問到黎諾懿可有「筍盤」男生介紹畀龔嘉欣?他說:「佢使乜,以佢嘅條件唔需要筍盤,只要一開口排到落樓下。」

黎諾懿兒子日前被蚊咬到變「豬耳」。
黎諾懿兒子日前被蚊咬到變「豬耳」。

其他文章
hd