首頁 即時娛樂

【兼任動作導演】拍《怒火》當霆鋒係吳京 甄子丹懷念與陳木勝合作時光

03/08/2021 00:00:00
《怒火》是陳木勝導演遺作。
《怒火》是陳木勝導演遺作。


由陳木勝(Benny)執導及監製的英皇電影《怒火》,身兼監製、動作導演及領銜主演的甄子丹與謝霆鋒在戲中展開一場最強火拼的生死戰,盡顯地道動作港產片。《怒火》是殿堂級動作導演陳木勝的遺作,甄子丹坦言最印象深刻是對方的笑容,眾所皆知陳木勝是一位好好先生,對香港動作電影的風格,尤其是警匪片拍了好多經典的電影,更認為對方的離世是電影界好重大的損失。甄子丹表示:「有一日佢打畀我話:『我瀨野!』,好突然我都好驚訝,拍ending時佢都唔知道,拍完之後同我講只是覺得疲倦,無時間檢查身體,到出事時已經擴散,但佢抗病的態度好積極,最尾一段路相信我地全行鼓勵緊佢,我亦介紹一些所認識的醫療師,最後我接到電話指導演唔多得,我都未來得切打畀佢,睇報紙佢離開了。」

甄子丹為主演電影《怒火》兼任動作導演。
甄子丹為主演電影《怒火》兼任動作導演。
甄子丹要拍到霆鋒好似吳京咁!
甄子丹要拍到霆鋒好似吳京咁!


甄子丹表示曾於在電視劇《洪熙官》及《精武門》跟陳木勝合作後,廿幾年來一直未有機會,後來原本再次合作到墨西哥拍一部講述警察大破毒梟故事,但製作費太龐大而擱置。他說:「其實有段時間佢都有少少唔開心話好想拍呢部戲,我同佢講其實可以以佢風格在香港拍,只要將精力同創作思維擺返在香港發生的故事,過幾日佢團火又出返來,之後就度(左)《怒火》這個故事。」

有甄子丹一定唔少得動作場面啦!
有甄子丹一定唔少得動作場面啦!
陳木勝去年因鼻咽癌離世。
陳木勝去年因鼻咽癌離世。


為《怒火》擔任動作導演的甄子丹,在戲中設計不少高難度的動作戲,他坦言在不同的演員會設計不同的動作,拍攝一場搭建的尖沙咀及廣東道街景上駁火的一幕再進展去到拳腳戲,整部戲的風格就是《怒火街頭》加《殺破狼》。他說:「陳木勝加甄子丹就會咁思路,但我守尾門同陳木勝講好難守喎!已經成個北京道拆完,我再黎赤手空拳點樣將情緒同刺激官能再推高呢?之前我都鋪排霆鋒點樣有型又打得又狠,埋尾要製造期待感,到快將拍北京道場戲時,我諗到就當霆鋒係吳京,同樣設計《殺破狼》一場戲以短棍對短刀,我要霆鋒好似吳京咁重溫《殺破狼》那種情懷,如果重拍那種概念,點樣令霆鋒接近吳京的身手、狠度?霆鋒都有自己意見就話唔玩一把,不如玩把刀。但重點係咪表達刀快狠勁,拍部戲過左三份一,我相信不會差,如果過到吳京就發達,畀觀眾覺得唔太失禮已經贏晒,佢絕對符合到,我都同霆鋒講:「你畢業啦!」。」

文:鄺芷瑩
圖:羅安強

甄子丹曾於《殺破狼》與吳京合作。
甄子丹曾於《殺破狼》與吳京合作。
其他文章
hd