首頁 即時娛樂

【頭條獨家】兩公婆掛住傾電話阿仔四圍走 車婉婉○氹4歲BBQ收玩具返歸

02/08/2021 21:15:00
婉婉夫婦日前帶BBQ去利園二期揀玩具。
婉婉夫婦日前帶BBQ去利園二期揀玩具。

車婉婉於2017年以42歲高齡,為中澳混血老公Jonathon誕下混血B仔Justus(BBQ),可能一直採取「放養教育」的關係,4歲BBQ不時都撞到周身瘀傷,繼早前仆到眼角流血後,近日又暴曬到塊面又紅又腫,肉痛到婉婉也自言「要打自己三百巴掌」。日前,一家三口現身銅鑼灣,兩公婆掛住講電話,而BBQ就自己周圍走,睇實啲好喎!採訪:梁志明

婉婉掛住傾電話,老公又行得勁快,搞到BBQ冇王管周圍跑。
婉婉掛住傾電話,老公又行得勁快,搞到BBQ冇王管周圍跑。
輪到老公講電話,婉婉終於湊番個仔睇玩具。
輪到老公講電話,婉婉終於湊番個仔睇玩具。



當日晚上7時許,車婉婉與兩父子Jonathon和BBQ現身利園二期,孭住超大Tote bag的她拎住部手機,由走廊傾到入玩具店,兩公婆亦非常有默契,大約5分鐘後婉婉一收線,Jonathon的手機就響起。二人輪流煲電話粥,BBQ全程一個人跑來跑去,又自己揀玩具,相當獨立。其間,BBQ睇中一件小玩具,仲攞畀媽咪過目,但婉婉卻對填色簿較感興趣,最後二人乜都冇買便離開,臨走她更教囝囝禮貌地向職員哥哥Say goodbye,遭撇甩的Jonathon即趕緊收線,跟上妻兒腳步。

婉婉坐低協助囝囝把玩具榨汁機中的「生果」倒進杯子。
婉婉坐低協助囝囝把玩具榨汁機中的「生果」倒進杯子。
婉婉疑在勸BBQ收拾玩具返屋企。
婉婉疑在勸BBQ收拾玩具返屋企。



好手尾的小朋友
接着3人走進另一間玩具店,BBQ手捧住一個玩具榨汁機,跟隨店員姐姐放到小桌上,並將手揸的一個超人Lego模型仔展示給姐姐看,十分可愛。兜了一圈,婉婉便回到囝囝身邊坐低陪玩,並耐心協助對方將榨汁機中的「生果」倒進杯子中;見時間差不多,婉婉本來想叫囝囝將玩具「歸位」,怎料BBQ未玩夠,扯番低媽咪再陪玩公仔。之後婉婉開始同囝囝講道理,BBQ繞晒手又向職員發表偉論,鬼馬的婉婉即將頂粉紅色蝴蝶帽笠在囝囝頭上,BBQ即除低幫媽咪戴。最後玩到7點半,BBQ終於聽話收拾好玩具,跟爹哋媽咪離開。

逛到7點半,婉婉一家三口才離開商場。
逛到7點半,婉婉一家三口才離開商場。
婉婉夫婦趁暑假經常帶BBQ進行戶外活動
婉婉夫婦趁暑假經常帶BBQ進行戶外活動
BBQ好活潑,成日搞到周身傷。
BBQ好活潑,成日搞到周身傷。
其他文章
hd