首頁 即時娛樂

【頭條獨家】周五首與WHIZZ同台Jam歌 岑寧兒樂見本土Indie成主流

05/08/2021 08:00:00
Yoyo很期待周五跟WHIZZ的Crossover演出。
Yoyo很期待周五跟WHIZZ的Crossover演出。

岑寧兒(Yoyo)將於本周五(6日)聯同王嘉儀(Sophy)、陳嘉、樂隊WHIZZ,假旺角麥花臣場館舉行《大世代OVERLAP》音樂會,屆時4個單位會進行Crossover演出,Yoyo率先透露與WHIZZ互唱大家的歌,「第一次同佢哋合作感覺好青春,好開心,因為我冇組過Band,所以都鍾意同Band夾吓,佢哋嘅默契同平時啲樂手睇譜有啲唔一樣,會用自己互相玩緊嗰段嘢、最重視嗰Part,佢哋一講就知講邊Part,跟住我就唔知佢哋講邊Part囉,但合作又唔會困難,因為綵排之前都有溝通、整Demo。」

Yoyo表示Indie成為趨勢,獲更多本地樂迷接受。
Yoyo表示Indie成為趨勢,獲更多本地樂迷接受。
Yoyo將參演本周五舉行的《大世代OVERLAP》音樂會。
Yoyo將參演本周五舉行的《大世代OVERLAP》音樂會。



是次音樂會由《樂壇已死》幕後班底策劃,由王雙駿擔任音樂總監。對於本港「樂壇已死」這個說法,移居台灣10年的Yoyo今年終「回流」,稍後更推出首張廣東專輯《風的形狀》,她表示當年離開香港到台灣發展,並非因唔睇好本土市場,「當年去台灣發展係因為寫咗好多國語歌,10年前喺呢度(香港)同啲唱片公司傾,嗰陣時氣氛又唔係好似而家咁多唱作人,我自己都唔係好Sure想做啲咩音樂、冇而家咁清楚個風格,所以搵嘅時候,如果畀我嘅空間未必夠、佢有想要我做嘅嘢的話,我就唔夠膽答應,但喺台灣做Indie相對空間啲,亦較易遇到啲人一齊玩。不過去年底返嚟,而家又好似容易遇到啲人一齊玩,Indie愈嚟愈Major,我覺得呢個係趨勢。」這兩年遇上疫情,Yoyo也決定暫別「空中飛人」的生活,留港籌備新專輯,同名新歌《風的形狀》亦於上月推出。


撰文:黎寶倫攝影:張詠森髮型:Sam Lo @Orient 4化妝:On Ki Lau

Yoyo連日為周五Show進行綵排。
Yoyo連日為周五Show進行綵排。
Yoyo上月推出新歌《風的形狀》。
Yoyo上月推出新歌《風的形狀》。

移居台灣10年的Yoyo,坦言當年在台灣做Indie的空間較大。
移居台灣10年的Yoyo,坦言當年在台灣做Indie的空間較大。
樂隊WHIZZ
樂隊WHIZZ
其他文章
hd