首頁 即時娛樂

【頭條獨家】撇《造星II》兄弟「單飛」出歌 陳天翺唔怕同MIRROR競爭求進步

04/08/2021 21:45:00
Eagle近日以獨立創作歌手身份岀新歌,他稱單飛冇包袱,不怕跟《造星》仔女比較。
Eagle近日以獨立創作歌手身份岀新歌,他稱單飛冇包袱,不怕跟《造星》仔女比較。

ViuTV真人騷《全民造星II》出身的陳天翺(Eagle),去年傳率Team B兄弟洪助昇(Aiden)、陳樂(Justin)和梁瑞峰(June)組男團岀道,男團未成事,Eagle先以獨立創作歌手身份出道,近日推岀新歌《Our Last Day》,他認為單飛冇包袱,可以製作自己喜歡的音樂,亦不怕跟《造星》師兄弟及同期戰友比較,皆因有競爭先有進步!撰文:黎寶倫攝影:張詠森

Eagle計劃今年至少出4首新歌。
Eagle計劃今年至少出4首新歌。
無懼跟別人比較的Eagle時刻裝備自己。
無懼跟別人比較的Eagle時刻裝備自己。


新歌《Our Last Day》講述在有限時間做應做的事及珍惜身邊的人,經歷疫情後,陳天翺更珍惜能做音樂的機會,希望創作更好及多元化的歌曲,又坦言為許廷鏗作曲的《Negative》反應不俗,令他信心大增。問為何決定單飛?Eagle說:「咁要問番公司,我覺得做音樂唔需要受限制,唔一定簽公司先做得音樂,每個人都可以喺睡房做Producer,做自己想做嘅音樂、發行畀人聽,所以獨立咁做都可以好自由。(3位兄弟有冇嬲你?)呢個要問佢哋,但都希望之後同佢哋有機會合作。」

專注玩音樂的Eagle笑言唔知有冇人鍾意睇自己跳舞拍戲。
專注玩音樂的Eagle笑言唔知有冇人鍾意睇自己跳舞拍戲。
第二首主打新歌《Our Last Day》MV找來郭思談情。
第二首主打新歌《Our Last Day》MV找來郭思談情。


說到《造星》仔女人氣激增,一直專心做幕後的Eagle直言,沒想到節目帶挈更多人留意自己,令歌唱事業發展得更順暢。可羡慕MIRROR和ERROR爆紅?他說:「我好欣賞佢哋,佢哋每一個都好努力,要練唱歌、排舞、拍廣告等,但都Keep住個狀態,其實香港好多年青歌手都好努力,所以都好羨慕成個氣氛咁開心,為香港樂壇做得更好。」並謂無懼比較,皆因大家各自創作喜歡的音樂,良性競爭才會做得更好,「我唔需要比較,最緊要做好自己,令自己進步,做得好自然會有人認同。」那麼是否恨拍戲、接廣告作多線發展?音樂才子Eagle卻想專注玩音樂,「我去跳舞拍戲都要人哋OK先,嗰啲嘢有就有冇就冇,冇所謂。」

Eagle曾為谷婭溦《安守本份》及許廷鏗《Negative》作曲。
Eagle曾為谷婭溦《安守本份》及許廷鏗《Negative》作曲。
去年傳Eagle與Team B兄弟Aiden、Justin和June組男團岀道。
去年傳Eagle與Team B兄弟Aiden、Justin和June組男團岀道。
Eagle因參加《全民造星II》賺得人氣。
Eagle因參加《全民造星II》賺得人氣。
其他文章
hd