首頁 即時娛樂

【頭條獨家】吳卓羲甘心做貼身保鑣 劉心悠演Man爆女工好驚要爆粗

04/08/2021 22:43:00
劉心悠喺新片中演Man爆運輸女工,而吳卓羲主動為女神做保鑣。
劉心悠喺新片中演Man爆運輸女工,而吳卓羲主動為女神做保鑣。

由吳卓羲(Ron)、劉心悠及廖啟智主演的電影《女人街,再見了》已是4年前的作品,Ron視心悠為女神,讚她靚之餘性格亦非常吸引,拍戲期間會不自覺望向她,搞到被導演投訴:「可唔可以望返鏡頭?」Ron見心悠腿部受傷更憐香惜玉,請纓做貼身保鑣,心悠坦言好感動。採訪:方騫平 攝影:梁志明 化妝:Marsha Ma(Ron)、Annie G Chou (心悠)髮型:Kenny Yeung(Ron)、Eric Chow@XENTER(心悠)服裝:Club Monaco HK 場地:The Wave

劉心悠及吳卓羲首次合作互笠高帽,大讚對方係神級對手。
劉心悠及吳卓羲首次合作互笠高帽,大讚對方係神級對手。
Ron見心悠腿部受傷憐香惜玉,拍戲期間請纓做貼身保鏢,攤開雙手幫她擋開人群。
Ron見心悠腿部受傷憐香惜玉,拍戲期間請纓做貼身保鏢,攤開雙手幫她擋開人群。

劉心悠與吳卓羲在電影中分別飾演搬運工人與蠱惑仔,開工第一日試第一個鏡頭,作為馬拉松好手嘅劉心悠因為未拉筋,被Ron拖住喺女人街喪跑時腿部受傷。眼見搞到女神受了傷,Ron極唔好意思,所以主動攤開雙手扮工作人員幫她護駕,擋開劇組以外嘅人埋女神身。他笑說:「啲人一定會埋怨我阻住晒好麻煩!」心悠對Ron咁貼心照顧大受感動,連忙解釋受傷唔關Ron事,只怪自己老貓燒鬚,準備功夫唔夠。而Ron因為合作將女神私有化,可以拖手兼𥄫實她,真係開心死!


劉心悠被Ron拖住喺女人街喪跑,搞到腿部受傷。
劉心悠被Ron拖住喺女人街喪跑,搞到腿部受傷。
作為馬拉松好手嘅劉心悠,拉傷腿後痛到不得了,之後明白拉筋的重要性。
作為馬拉松好手嘅劉心悠,拉傷腿後痛到不得了,之後明白拉筋的重要性。

導演拒絕紋身好失望
雖然負傷上陣,但演「港版羅拉」(搬運女工)對心悠來說唔算大挑戰,美中不足係準備時間有限操得唔夠大隻:「片中我要揸小型貨車同埋用唧車,言行舉止比較man,原先向導演提出加插食煙及紋身,點知導演話冇必要,我都有啲失望㗎!」心悠惟一唔想爆粗,明白自己講話唔夠地道,怕只會變成反效果,惹人發笑。

心悠扮運輸女工挑戰拉唧車。
心悠扮運輸女工挑戰拉唧車。
有吳卓羲咁好嘅bodyguard,心悠唔怕喺鬧市拍戲。
有吳卓羲咁好嘅bodyguard,心悠唔怕喺鬧市拍戲。
廖啟智與童星小東(梁珈榕)演繹非一般父子情,感動Ron及心悠。
廖啟智與童星小東(梁珈榕)演繹非一般父子情,感動Ron及心悠。
其他文章
hd