首頁 即時娛樂

【頭條獨家】入行要減肥做瑜伽辛苦到爆粗 ATV阿儀自稱靚所以爆紅

04/08/2021 22:58:00
「紅人」薛影儀做瑜伽減肥,點知辛苦到爆咗粗都唔知。
「紅人」薛影儀做瑜伽減肥,點知辛苦到爆咗粗都唔知。

37歲黃花閨女薛影儀憑獨特樣貌及氣質挑戰今屆亞姐,雖然入唔到圍,但紅爆網絡,網民齊集氣令「氣質儀」成功獲ATV簽約兩年,月入有4位數仲有佣金添。對於被封亞視一姐,仲有埋應援會!阿儀信心滿滿說:「可能我靚!」對於網民的支持,阿儀最開心有Fans留言:「我愛你!」說畢還展露激罕招積笑容。採訪:方騫平 攝影:梁志明 場地:Meg Latin [email protected]金巴利中心

招積笑容 阿儀話自己笑得唔好睇,所以平日木口木面,但聽到網民留言話:「我愛你。」就露出招積笑容 。
招積笑容 阿儀話自己笑得唔好睇,所以平日木口木面,但聽到網民留言話:「我愛你。」就露出招積笑容 。
反晒白眼

阿儀屢敗屢戰,做瑜伽做到反晒白眼。
反晒白眼 阿儀屢敗屢戰,做瑜伽做到反晒白眼。

阿儀被Fans捧為「阿儀不紅,天理不容」,多job多都爆燈,除咗做宣傳,仲要唱live、拍美容廣告、遲啲仲會拍埋戲。今次《頭條日報》記者安排本身都幾厚肉嘅阿儀去挑戰做瑜伽,見佢做得都好吃力,搵食係艱難㗎嘞。

辛苦玩到透晒大氣
當日導師先指導阿儀做一啲基本熱身動作,再趴低身貼地爬行做舒緩脊髓,最後向較高難度進發就係玩高空瑜伽,教她做正身及反身倒吊動作,可惜阿儀手腳唔協調,不時撻低喺地蓆上,更做到透晒大氣,要由經理人示範及打氣鼓勵,再同導師夾手夾腳協助阿儀完成動作。期間阿儀不停講:「哎呀!真係攰,嘩!真係攰到我!」屢敗屢戰後,一頭亂髮嘅阿儀忍唔住細細聲爆粗:「係囉,真係好x攰!」笑爆全場。問到能否捱得住娛樂圈咁艱辛的工作?她細細聲:「捱得住嘅,再嚟啦,但仲未拍完嘅?」事後記者問到她對講粗口的睇法?她說:「係囉!啲人(留言)討厭囉!」記者反問:「但你自己都爆粗喎!」她卻不語,然後發出哎呀聲,未答完就走去搵手機,搞到公關都要提醒她說:「阿儀,禮貌啲!」

唔多協調 阿儀手腳唔協調,導師未叫她踢腳經已起腳,好彩老師夠耐性,鼓勵她多練習會有進步空間。
唔多協調 阿儀手腳唔協調,導師未叫她踢腳經已起腳,好彩老師夠耐性,鼓勵她多練習會有進步空間。
攰到爆粗

不慎爆粗嘅阿儀做到一頭亂髮,上氣唔接下氣,猛話攰喇!
攰到爆粗 不慎爆粗嘅阿儀做到一頭亂髮,上氣唔接下氣,猛話攰喇!

讀到中五成績唔講
對於網民喜歡阿儀有純真一面,她信心返晒嚟:「係啦!佢哋覺得我外表好囉!」仲大大聲說:「我都有信心(發展),我個樣都唔算差,有啲人靚過我,有啲人醜過我,身形有啲人肥過,(下刪百字)。」再問覺唔覺被人取笑?她說:「吓?唔知佢哋,唔會覺得,我個人樂觀。其實我瘦10磅就ok,唯一有黑眼圈,下面棚牙有啲疏。」至於被指雙乳下垂?她即否認:「我覺得ok,係啲網民亂講嘢。」由於阿儀常問非所答,她的智商同樣受關注,對此她反問:「仲咩呀?(讀書OK?)係呀,我喺元朗鄉中讀到中五,會考成績係點?唔講得啦。」


TVB挖角都唔會去
問到覺得自己紅唔紅,阿儀坦言:「啲fans話我紅囉,(啲人話你紅過姜濤)係呀!我唔知佢哋呀!各人有各人睇法囉!可能睇我外表靚。」她又自爆有fans要求跟她合照及送花膠燕窩。她又說可接受着泳衣拍戲,但唔接受拍牀戲,咀戲就視乎劇本,但私下可接受婚前性行為。今年4月她曾投考TVB演藝訓練班不獲取錄,問到TVB係咪跌眼鏡?她即投訴:「係囉唔知佢哋呢!嗰日有千幾人面試,由朝等到晚嘥時間,樂易玲只係問咗我姓名、年齡及職業,第日TVB撬我都唔過去,等咁耐都唔去啦。」

經理人示範 經理人林寶玉都忍唔住示範,阿儀狂問痛唔痛?
經理人示範 經理人林寶玉都忍唔住示範,阿儀狂問痛唔痛?
有成功感

最後經理人及導師夾手夾腳搞掂咗阿儀完成動作。
有成功感 最後經理人及導師夾手夾腳搞掂咗阿儀完成動作。
傻豹泳衣 阿儀當日着傻豹三點式泳衣去亞姐面試,佢話可能fans見佢着得靚,所以like爆佢喎!
傻豹泳衣 阿儀當日着傻豹三點式泳衣去亞姐面試,佢話可能fans見佢着得靚,所以like爆佢喎!
三萬觀眾

日前阿儀喺亞視FB Page開live唱歌,有近3萬觀眾收看,點擊率贏咗唔少歌手。
三萬觀眾 日前阿儀喺亞視FB Page開live唱歌,有近3萬觀眾收看,點擊率贏咗唔少歌手。
鐵粉J.Arie 雖然阿儀唱到五音不全,但歌手雷深如 (J.Arie)都係佢fans,不斷留言仲大讚佢係亞姐冠軍。
鐵粉J.Arie 雖然阿儀唱到五音不全,但歌手雷深如 (J.Arie)都係佢fans,不斷留言仲大讚佢係亞姐冠軍。
過氣偶像

阿儀好like同齡嘅岑麗香及古巨基,10幾年前就係文恩澄fans,原因話佢靚。
過氣偶像 阿儀好like同齡嘅岑麗香及古巨基,10幾年前就係文恩澄fans,原因話佢靚。
可愛儀B 阿儀𠵱家同阿媽及細佬同住,BB時期好可愛。
可愛儀B 阿儀𠵱家同阿媽及細佬同住,BB時期好可愛。
花叢女神

阿儀開埋IG,內有大量搞笑潛力圖。
花叢女神 阿儀開埋IG,內有大量搞笑潛力圖。
千元月薪 阿儀簽咗永恆亞視兩年,唯然月薪唔多,但佢話夠食飯盒就ok。
千元月薪 阿儀簽咗永恆亞視兩年,唯然月薪唔多,但佢話夠食飯盒就ok。
影子應援

阿儀出道唔夠一個月即有影子應援會,好厲害!
影子應援 阿儀出道唔夠一個月即有影子應援會,好厲害!
其他文章
hd