首頁 即時娛樂

【頭條獨家】馬德鐘陳煒齊催婚兼催生仔 湯洛雯祝福黃心穎同泥鯭

05/08/2021 23:56:00
馬神及煒哥齊催靚湯快啲結婚生仔;而黃心穎同泥鯭行得咁埋,靚湯都送上祝福。
馬神及煒哥齊催靚湯快啲結婚生仔;而黃心穎同泥鯭行得咁埋,靚湯都送上祝福。

兩年前湯洛雯(靚湯)取代黃心穎拍梅小青退休作品《法證先鋒IV》頻頻NG,時至今日靚湯有視帝男友馬國明教路,演技刮目相看。新劇中她以女一姿態和「民選視后」陳煒齊齊鬥戲,靚湯七情上面演技大爆發。有醫生男友愛錫的陳煒分享經驗之談,叫靚湯快啲結婚唔好錯失生仔黃金時間。採訪:方騫平 攝影:梁志明

湯洛雯同陳煒拍外景,前者爆樽指向翟威廉條頸,七情上面。
湯洛雯同陳煒拍外景,前者爆樽指向翟威廉條頸,七情上面。
靚湯唔講黃心穎,喺旁邊「食花生」嘅馬神就忍唔住笑。
靚湯唔講黃心穎,喺旁邊「食花生」嘅馬神就忍唔住笑。

TVB新劇《雙生陌生人》中兩位女主角湯洛雯同煒哥日前晚上喺九龍城碼頭拍外景,劇情講靚湯為咗營救愛郎馬德鐘,爆樽指向翟威廉條頸,靚湯癲到青筋都現埋,非常入戲!不過,被湯洛雯用糖膠酒樽「行」住嘅翟威廉就帶點淆底,因為靚湯出名論盡,就算喺農莊拍戲都會唔小心踩到斧頭手柄,搞到成把斧頭凌空飛起,好彩就冇傷人。

事業愛情兩得意,靚湯心情靚到喺外景場地玩紥馬。
事業愛情兩得意,靚湯心情靚到喺外景場地玩紥馬。
劇情指靚湯陪馬神坐船走路。
劇情指靚湯陪馬神坐船走路。

拍住拖先
曾瘋傳靚湯同馬明本月秘婚,靚湯強烈否認:「我緊接要入新組喇!都係拍住拖先,冇話一定要結婚,都要一啲時間(了解)𠵱家未得住。」靚湯仲自爆同馬明冇交嗌:「我好跳掣,但對手唔係咁,佢冇乜情緒起伏。」煒哥以過來人經歷有感而發,同馬神一唱一和叫靚湯快啲結婚,煒哥話特別唔好錯失生仔呢段黃金時間。馬神話最好攞埋視后雙喜臨門;煒哥附和:「佢咁靚女,生女會好靚。」對於昔日好友黃心穎被影到同緋聞男友泥鯭放狗,靚湯帶點尷尬說:「感情唔講太多喇(祝福佢哋?)我個個都祝福…」至於喺旁邊「食花生」嘅馬神就忍唔住陰陰嘴笑。

靚湯同馬明冇乜嗌交,強調拍拖出路唔一定係結婚。
靚湯同馬明冇乜嗌交,強調拍拖出路唔一定係結婚。
黃心穎被影到同泥鯭去狗公園放狗,靚湯尷尬祝福佢哋。
黃心穎被影到同泥鯭去狗公園放狗,靚湯尷尬祝福佢哋。
靚湯同心穎曾經係密友。
靚湯同心穎曾經係密友。
其他文章
hd