首頁 即時娛樂

【頭條獨家】陪人Shopping一樣咁開心 57歲唐麗球笑容有少女味

14/09/2021 20:30:00
波波一笑個樣即刻好少女。
波波一笑個樣即刻好少女。

介紹返相中人,佢叫唐麗球,花名叫波波,1984年港姐季軍,今年57歲,有留意娛樂新聞嘅對佢應該有啲認識,因為今年港姐開記招,佢都有出席㗎,而佢作為今屆慧妍信託委員會執行委員會副會長,成日都同副主席向海嵐及會長翁嘉穗去做善事,例如轉贈「愛心百家被」畀有需要人士,又會去探訪公公婆婆,心善人美真係冇講錯,熟女波波仲係好Fit好靚吖。
採訪:梁志明

雖然啲衫唔啱波波,但佢都睇得好投入。
雖然啲衫唔啱波波,但佢都睇得好投入。
波波喺間舖四圍行。
波波喺間舖四圍行。

波波早前出席活動表示老公吳毅將因工作關係經常中港兩邊走,就算疫情下都Keep住。至於17歲囡囡已由加拿大返港,她表示囡囡覺得唔適合當地環境,正計劃到韓國繼續學業。波波說:「囡囡一直都喜歡韓國文化,但唔係迷韓星,亦無打算做女團,純粹喜歡韓國。」波波仲話唔介意囡囡同韓仔拍拖。

四個人平排行,行晒成條路。
四個人平排行,行晒成條路。
睇佢笑得幾甜。
睇佢笑得幾甜。

Shopping吹下水

日前傍晚,着住黑色Tee同牛仔褲,好開明嘅波波同兩女一男朋友去銅鑼灣名店坊行街,較後生的一男一女入咗Y-3,波波及另一女友人跟埋入舖,見波波好認真係咁睇,有時揭吓啲衫又拎起啲鞋,睇得出佢唔啱,但望吓又好啫。波波喺舖頭逗留咗成粒鐘,男友人買到嘢,之後一行四人行去禮頓道一間Bar & Cafe,呢間舖之前已見過波波去過,應該係朋友開設,見眾人入咗去之後門口就掛上Closed牌,自己地方點傾點玩都唔使驚。喺門口聽到舖入面播放音樂,都幾大聲但又聽唔到係咩歌,總之聽完個人好想郁,好似波波咁,見佢間唔時Un身Un勢,仲笑得好少女添,有街去有friend陪,開心都正常嘅。

出席今屆港姐記招。
出席今屆港姐記招。
波波同吳毅將及囡囡一家三口。
波波同吳毅將及囡囡一家三口。
其他文章
hd