首頁 即時娛樂

滿月喇丨陳少邦獲老婆高度讚揚:對住我哋兩母女真係唔簡單

15/09/2021 07:30:00
陳少邦的囡囡滿月喇!
陳少邦的囡囡滿月喇!

與林峯、楊怡等同屬第13期TVB藝訓班出身的陳少邦,上月靚女主播太太鄭加盈(Rain)為他誕下囡囡Freya,昨日媽咪Rain在IG貼上Freya滿月的一家三口的合照,並撰長文感謝老公的照顧和包容!Rain說:「產後聽到最多人同我講:你記住一定要好好坐好個月.. 月子坐得唔好手尾好長.. 月子坐唔好第時你就知.. etc..今日我終於出月子.. 終於可以同大家講:我第四日趕咗個陪月走.. 所以當大家叫我好好坐月時,我有啲心虛!」

老婆撰文高度表揚!
老婆撰文高度表揚!



接着Rain表示經過坐月的日子,實在要高度表揚老公:「除咗努力做好妍菲爸爸;鄭加盈老公.. 仲做埋陪月,不停上網做資料蒐集.. 到底月子我應該要食乜嘢.. 唔做得乜嘢。啲人成日都話小朋友大得好快,我都覺得囡囡大得好快.. 比起啱啱出世,佢喺滿月呢一日,足足重咗1.5kg.. 俾啲掌聲她媽!但係呢一個月,我覺得好漫長.. 但係諗返轉頭,我都唔知自己做咗啲咩..」她續說:「我淨係記得呢一個月,我嘅情緒高低起伏.. 曾經有無數咁多次我想打暈自己.. 咁就唔駛聽到囡囡喊,我是壞媽媽..由初初好驚佢喊.. 到唔想聽到佢喊.. 到我自己都瘋狂一齊喊,陳生對住我哋真係唔簡單..佢好似完全唔驚咁.. 」



結果Rain忍不住問老公知不知囡囡為甚麼喊?殊不知陳少邦說:「唔知呀,我訓練有素.. 平時我對住你,都一樣唔知你喊咩!睇住囡囡一日一日進步.. 開始夜晚一覺瞓天光.. 雖然眼瞓仍然喪喊.. 但最緊要你食得、瞓得、痾得.. 媽媽就安心了..她媽都一齊進步.. 開始知道你為咩喊.. 識得應付你.P.S. 冇咩事我都係返去餵奶先#做媽媽真係好唔簡單 #係咪個個阿媽都係咁 #專業屎尿研究員 #我是壞媽媽」

其他文章
hd