首頁 即時娛樂

演鬥聽丨SM超高速音樂神技 林德信呻唔公平

16/09/2021 00:30:00
Supper Moment挑戰超高難度。
Supper Moment挑戰超高難度。

Supper Moment於周六晚《演鬥聽》挑戰極限,在「我點你作」環節中,他們以御用監製陳偉文(Adrian Chan)的語音訊息「下首先」作為素材,用超高速嘅節奏演繹,連記歌詞都辛苦,主唱Sunny表示:「首歌係寫俾Adrian,佢又坐喺隔籬,好大壓力!(首歌佢收貨喎?)係呀!終於唔使下首先……」結他手阿雞亦話:「嗰首歌係190bpm,喺我哋作品之中最快嘅歌。」低音結他手CK則表示最難的環節是「神算歌手」:「本來諗住讓幾秒,點知讓咗十幾秒出嚟。」但阿雞反而好滿意:「因為我係第一次喺熒幕前唱歌。」

林德信最後成為MVP金腰帶得主。
林德信最後成為MVP金腰帶得主。
SM原打算讓幾秒,點知讓咗十幾秒出嚟。
SM原打算讓幾秒,點知讓咗十幾秒出嚟。


此外,他們還改編陳蕾的《娑婆》,並打算收錄在自己channel內。至於鼓手阿達就與演鬥band的鼓手Joey對決,錄影時,兩大鼓手battle好精采,阿達坦言對住Joey有壓力,而CK則指最大對手是RX,因為對方是沒有限制,乜嘢聲都做到。

對賽的組別林德信(Alex)多次表示不公平,笑指:「今日個評判Adrian係Supper Moment嘅人嚟㗎!觀眾睇嘅時候,唔好忘記呢個point,不過都好好玩,大家好開心!」MVP金腰帶最後就落在Alex手上。

Sunny表示監製Adrian在現場,感到好大壓力。
Sunny表示監製Adrian在現場,感到好大壓力。

其他文章
hd