首頁 即時娛樂

關楓馨感激港姐令自己蛻變 感恩有呢一個機會接觸不同挑戰

15/09/2021 22:00:00
關楓馨未有因落選而感到失望!
關楓馨未有因落選而感到失望!

《2021香港小姐競選》於周日正式完滿結束,今屆冠軍由8號宋宛穎奪得、亞軍是15號梁凱晴,季軍則由為14號邵初獲得,邵初同時亦是「友誼小姐」,事前被看好的4號關楓馨(Fabienne)雖然當日狀態大勇,但最後大熱倒灶,在5強止步。Fabienne其父關禮傑事後安排一家人去酒店Staycation,等她可以輕鬆地Relax一下!

關楓馨撰長文分享參選以來的心路歷程!
關楓馨撰長文分享參選以來的心路歷程!
圈中朋友留言支持!
圈中朋友留言支持!



小休過後,Fabienne今日在IG貼上比賽當晚在後台化妝的相片,同時撰長文分享從參選至今的心路歷程,坦言這個港姐旅程終於畫了一個句號:「過去呢幾個月,自己真係有好努力同投入去為呢一件事而奮鬥,由一個迷迷糊糊怕怕醜醜嘅女仔,蛻變成今日嘅關楓馨。」她續說:「呢三個月學到嘅嘢,我諗平時可能真係要三年先會學到,好感恩有呢一個機會去接觸到咁多唔同嘅挑戰,做一場咁大嘅show! 沿途亦好幸運地遇上一班好照顧我哋嘅師姐,化妝師,髮型師,排舞老師,catwalk老師,Karen姐,保姆,台前幕後工作人員同dancers,當然最唔少得就係一班好可愛嘅女仔!!由頭到尾其實都唔覺得自己係參與緊一個比賽,因為每一個女仔都不停為大家互相扶持。」

關楓馨表示呢三個月學到嘅嘢,平時可能真係要三年先會學到。
關楓馨表示呢三個月學到嘅嘢,平時可能真係要三年先會學到。
她感激身邊人為自己打氣。
她感激身邊人為自己打氣。



最後Fabienne還說:「好感激屋企人,朋友同所有支持我嘅人,一直不斷為我打氣,多謝你哋個個都咁錫我,不停咁鼓勵我!我會繼續努力,唔會辜負大家對我嘅期望!P.S. 我中文唔係太叻,呢個應該會係我最後一個中文嘅caption ok!」

其他文章
hd