首頁 即時娛樂

頭條獨家丨丁子朗首擔正視梁朝偉為終極目標 無緣演「尚氣」 自認戲屎狂上戲劇班

15/09/2021 20:45:00
近年獲公司力捧的Karl拍劇演上癮,他表示以梁朝偉及朴敘俊為目標,當一個好演員。
近年獲公司力捧的Karl拍劇演上癮,他表示以梁朝偉及朴敘俊為目標,當一個好演員。

Marvel首部華裔超級英雄電影《尚氣與十環幫傳奇》熱爆全球,上映前,擔任男主角的劉思慕因為五官普通備受爭議,有傳打得又睇得的《真人快打》男星林路迪,卻因太靚仔而錯失「尚氣」一角!原來兩年前選角時,TVB的丁子朗(Karl)也收到神秘的試鏡邀請,早前他於IG分享試戲片段,仲自嘲當年演技一般。近年獲TVB力捧、由節目主持轉型拍劇當小生的Karl,愈拍愈愛,更視梁朝偉及在英國拍攝《Marvel隊長2》的韓星朴敘俊為目標,當一個好演員!撰文:黎寶倫攝影:張詠森

年僅24歲的Karl入行五年,他謙稱當初獲公司簽約,只因順眼而非靚仔,故向來沒有偶像包袱。
年僅24歲的Karl入行五年,他謙稱當初獲公司簽約,只因順眼而非靚仔,故向來沒有偶像包袱。
搭15分鐘船入到鹽田梓,島上遍佈藝術作品,Karl就帶大家逐個Check point去打卡!
搭15分鐘船入到鹽田梓,島上遍佈藝術作品,Karl就帶大家逐個Check point去打卡!


憑旅遊節目《森美旅行團》爆肌獲封「隱世大隻仔」的丁子朗,疫情下冇得「岀走」而專注拍劇,有份演出的《七公主》、《把關者們》等先後播出,近日更夥余德丞、伍樂怡為新劇《青春不要臉》首次擔正,「我好鍾意演戲,因為用嘅情緒轉換對我嚟講係好自然,好治癒,希望可以繼續喺演員路發展。」《七》劇中扮韓仔的他私下是個Kpop、韓劇迷,大學時期仲讀過韓文,問可恨去韓國發展?Karl自爆:「想㗎,2014年有考過SM娛樂練習生,但唔成功,嗰屆成功嘅係Red Velvet成員Wendy,我當然羡慕佢啦,有更大舞台、更多觀眾係演藝人嘅夢想。」

學戲惡補
Karl視朴敘俊和主演《尚》的梁朝偉為目標,自幼學蔡李佛拳及少林功夫的他,要應付動作場面絕無問題,「見住偉仔由TVB出身,一步步去中國、亞洲、海外市場到而家荷李活,作為演員好希望跟住佢條路行。(花好長時間。)係,同埋要娶個好叻嘅劉嘉玲,哈哈!」自認演技不足的Karl又報讀鍾景輝、彭秀慧、韋羅莎的戲劇班,回想拍《堅離地愛堅離地》被幕後鬧,「拍到凌晨5點嗰幕要畀反應笑,我覺得自己做咗,但導演唔收貨,有人喝『擘大個口咪得囉』,令我醒覺自己唔得就開始上堂。」

聖若瑟小堂-善牧
聖若瑟小堂-善牧
鹽田附近-生之禮頌
鹽田附近-生之禮頌


遊鹽田梓
「拍旅遊節目就好似公司畀錢我去放假咁!」Karl興奮說,因此他仍恨與森美等人出埠拍攝,而目前未能出關,熱愛户外活動的Karl惟有𣈱遊離島止癮,早前仲帶隊入鹽田梓,向《頭條日報》讀者介紹聖若瑟小堂、曬鹽場等打卡點!不過,他自爆在加拿大讀書時,原來是個超「摺」的四眼宅男,「入行後先發現做運動係咁好玩,因為香港冬天都好舒服,所以而家不停Outdoor活動。」曬得一身健康膚色又大隻,成為男神的Karl視湯洛雯、麥明詩為女神,但他笑稱「只能遠觀不可褻玩」,擇偶就要揀得體、Nice及孝順,是否Sporty都冇所謂。

客家美食茶座
客家美食茶座
Karl早前於IG貼出一段講英語對白的舊片,指事隔數年才獲悉是為《尚氣與十環幫傳奇》一角試鏡。
Karl早前於IG貼出一段講英語對白的舊片,指事隔數年才獲悉是為《尚氣與十環幫傳奇》一角試鏡。
Karl在新劇《青春不要臉》首次做男一,他笑言做新人冇得再衰,故冇壓力亦唔擔心被批評。
Karl在新劇《青春不要臉》首次做男一,他笑言做新人冇得再衰,故冇壓力亦唔擔心被批評。
Karl夥拍袁偉豪、陳家樂主演的TVB劇《把關者們》剛播出。
Karl夥拍袁偉豪、陳家樂主演的TVB劇《把關者們》剛播出。
在《2016香港先生選舉》奪亞軍的Karl,比賽期間都有晒9級蔡李佛拳。
在《2016香港先生選舉》奪亞軍的Karl,比賽期間都有晒9級蔡李佛拳。
Karl因與森美在旅遊節目《森美旅行團》騷肌浸溫泉,獲網民賜名「隱世大隻仔」!
Karl因與森美在旅遊節目《森美旅行團》騷肌浸溫泉,獲網民賜名「隱世大隻仔」!
梁朝偉(左)
梁朝偉(左)
朴敘俊
朴敘俊
其他文章
hd