首頁 即時娛樂

頭條獨家丨梁奕藍賣生酮食品賺到再發音樂夢 戥同屆《造星》戰友MIRROR開心

16/09/2021 23:30:00
Hayden最近開拓生酮飲食生意,愈撈愈掂,仲有餘錢Support他的音樂夢!
Hayden最近開拓生酮飲食生意,愈撈愈掂,仲有餘錢Support他的音樂夢!

憑ViuTV選秀節目《全民造星》為人熟悉的梁奕藍(Hayden),入行20年演藝路好崎嶇,自17歲跟師傅周啟生學創作,因被舊愛媽咪認定玩音樂冇「錢」途,最終分手收場;之後靠勤力密密寫歌賺唔少,仲成家立室生埋仔,惜3年多前工作量劇減,結果為三餐走去揸Uber,「嗰時都諗過唔做演藝事業。」幸《造星》令其名氣大增,點知再遇上疫情致大半年收入得4位數,一家之主惟有另覓出路,結果經營的生酮飲食生意愈撈愈掂,更有餘錢Support他的音樂夢!撰文:黎寶倫攝影:譚壹致場地:M48 WELLNESS LAB

Hayden靠生酮飲食及健身,成功練得一身爆肌!
Hayden靠生酮飲食及健身,成功練得一身爆肌!
Hayden接受高強度訓練後也提升了心肺功能,幫助唱歌換氣。
Hayden接受高強度訓練後也提升了心肺功能,幫助唱歌換氣。


37歲的梁奕藍由幕後轉做創作歌手,早年迎娶圈外女友Cici,二人育有6歲兒子浚鋌,他說:「第一目標一定係照顧好個仔同太太,第二係自己嘅音樂夢。」回想2018年前,一直靠內地Job、寫歌及做配樂等賺錢的Hayden,經歷谷底8個月冇嘢撈,終於轉揸Uber維持生計,其間載過不少藝人,「嗰時覺得有啲心酸,點解自己變咗呢個位置呢?係咪自己唔適合呢?睇吓個仔愈嚟愈大,既然唔適合就算啦,仲打算轉行揸Van仔。」幸當時一齣舞台劇搵上門,冇耐又參加了《造星》,令他打消退出念頭。

Hayden認為保持最良好狀態是對觀眾的交代,所以近年勤力操肌。
Hayden認為保持最良好狀態是對觀眾的交代,所以近年勤力操肌。
Hayden於訪問當日向大家示範高難度健身動作,勁!
Hayden於訪問當日向大家示範高難度健身動作,勁!


感激《造星》帶挈
深知做幕前個「殼」好緊要,Hayden近年勤健身及戒碳水化合物,操到自己好Fit。「疫」境下再遇低潮,半年僅得幾千蚊收入,故去年決心開拓生酮飲食品牌,創業頭半年已勁賺6位數,他感激《造星》帶挈,「好多嘢都暢通好多,大家對我嘅信任度好高,演藝發展都好咗,多咗人搵我,亦都多人買我嘅產品。」可觀的收入也讓Hayden有足夠支援去做音樂,目標做一首耳熟能詳的代表作,問可羨慕MIRROR?他說:「唔會,因為過咗嗰個階段喇,我好清楚自己唔一樣,如果我24歲都會好努力爭取入MIRROR,佢哋成功我都好戥佢哋開心。」

Hayden趁中秋研發了生酮流心奶皇月餅。
Hayden趁中秋研發了生酮流心奶皇月餅。
有小朋友後收入不可太浮動,故Hayden決定做Long-term生意。
有小朋友後收入不可太浮動,故Hayden決定做Long-term生意。
MIRROR爆紅,Hayden都戥《造星》舊戰友開心。
MIRROR爆紅,Hayden都戥《造星》舊戰友開心。
Hayden推出多款生酮食品,造福修身及糖尿病人士。
Hayden推出多款生酮食品,造福修身及糖尿病人士。
Hayden望下首派台作品獲大力推廣,讓更多樂迷聽到。
Hayden望下首派台作品獲大力推廣,讓更多樂迷聽到。
其他文章
hd