首頁 即時娛樂

程美段自爆曾被「淫媒」睇中:肯去可能機會更加多

17/09/2021 09:00:00
首次拍電影的程美段有性感演出!
首次拍電影的程美段有性感演出!

電影《#PTGF出租女友》將於下周三(22日)上映,首次拍電影的程美段飾演性感又主動的PTGF,經常對趙善恆(恆仔)作出挑逗,她直認初時感到有點緊張:「我覺得恆仔本身怕怕醜醜,但係好有禮貌,最後大家都要摸索,拿捏去到邊個位最舒服就放膽去做,唔使take咁多,寧願放膽啲一次過去做。」她稱拍攝前大家有溝通,加上恆仔做過導演,會令演員在拍攝時更順暢自然。

與恒仔有不少對手戲。
與恒仔有不少對手戲。
難忘戲中一段自high場面。
難忘戲中一段自high場面。



不過在拍接吻戲前,程美段一定要刷牙保持口腔清潔:「肯定自己個口唔臭先,食完lunch都驚有味,我嗌咗個芥蘭蒜蓉,都要刷個牙先。」至於今次拍戲最深刻的事情,她表示是一場自high戲,她覺得相當難拍:「同恆仔有纏綿戲,後尾係自己一個俾反應動作,自己幻想去投入,鏡頭淨係影我自己,我覺得仲難投入,反而同恆仔有肢體接觸會容易進入戲中狀態,最後我要飲威士忌先入到戲,如果唔係俾唔到反應。」程美段形容這場戲是「進行中」,「又嗌晒又俾晒反應,好興奮,冇人掂要自己掂自己扮有人掂,好有難度,要催眠自己。」由於只靠幻想,所以最後她都拍到略帶醉意。

程美段自爆被媒淫睇中!
程美段自爆被媒淫睇中!



做PTGF為錢,娛樂圈都有神秘飯局,有指女星出席會有利是收,程美段反問:「會俾返錢架咩?成日聽人講飯局,但從來唔明咩定義,食飯咪食飯,一班人朋友食飯,加個局字,飯局有咩特別?唔知代表咩。」她稱沒有出席過這些飯局,反而遇過疑似「淫媒」的人士,「淫媒?講真好似試過,我覺得有啲怪怪地,又唔知邊個,唔知有我電話,打嚟講啲嘢好奇怪,好驚呀,印象中係佢唔知點解佢知我係邊,叫我今晚去邊度識邊一個人,可能食吓飯唱吓K,問佢係邊個唔講,我懷疑係一啲我見過嘅人,但依家冇啦。」她覺得可能因為有時形象性感而引來這些人「注意」,問她是否守得住底線?她即答:「守得住,如果唔係我可能機會更加多。」

其他文章
hd