首頁 即時娛樂

藝人悼念丨陳庭欣聞衞世輝死訊傷心落淚 陳貝兒:好唔開心

17/09/2021 15:36:00
得知衞世輝離世,陳庭欣一度哽咽。
得知衞世輝離世,陳庭欣一度哽咽。

TVB非戲劇節目監製及經理衞世輝今早突然因心臟病發離世,終年62歲。陳庭欣與衞世輝合作無間,她在拍攝時收到噩耗,哽咽說:「放飯時知道,所有人都食唔落飯,接受唔到。我最後一次見輝哥是奧運(節目)...接受唔到。」她表示參選2010年港姐後與輝哥合作很多,很多慈善節目輝哥都找她擔任司儀,十分不捨得輝哥。

陳貝兒表示:「收到呢個消息係非常之突然,輝哥一直以來畀好多機會我,我哋最後一次合作就係奧運節目,當時我剛剛響內地拍完嘢有高山反應,趕住返來要做奧運開幕禮,輝哥都好關心我嘅身體,不停話要小心身體,如果唔舒服要出聲,請假都無所謂架!佢好關心我。奧運開幕禮當日,我記得響一廠門外撞見輝哥好開心,咁搵佢影相,因為閉幕禮大家做得好開心合作完滿,佢仲同我講:『傻女!化完個妝先影啦!大把機會影。』估唔到這張相就係我哋嘅最後合照,依家諗返轉頭唔知講乜好,輝哥係一個大好人,每次合作有佢響度都係good show,希望輝哥一路好走,亦好感激輝哥畀我每一次的機會。」

陳庭欣至今仍未能接受不到衞世輝的離開。
陳庭欣至今仍未能接受不到衞世輝的離開。
陳貝兒(前)亦有悼念衞世輝。
陳貝兒(前)亦有悼念衞世輝。



陸浩明則表示由有線到TVB與衞世輝多次合作,他指輝哥是早期《#後生仔傾吓偈》的節目監製,今早得知對方離世消息,他說:「好突然,悲傷難過。佢為人好好,同佢合作很多大騷,華姐、台慶頒獎禮、慈善節目等,佢好照顧幕前同事,係一個好nice嘅高層。(知不知對方有心臟病?)完全唔知道。我想慰問佢嘅家人,節哀順變。」

朱凱婷(Heidi)從同事口中得知衞世輝離世,傷心哽咽說:「2001年我參選港姐,輝哥是當年港姐嘅監製,佢睇住我入行20年,係我好尊敬嘅監製。當年未卸任時佢話我個樣好適合做司儀,這句說話我一直記到依家,證明佢好有慧眼。佢給予好多鼓勵、意見,比機會我做大型節目。佢為人低調,好照顧同事。上星期知道衛世輝籌備一年一度嘅節目巡禮,佢約定我做司儀。最後合作係奧運節目,經常見到衛世輝,佢弗咗好多,知道佢戒咗汽水,注重飲食,食得清淡,我仲鼓勵佢繼續努力...知道噩耗接受唔到。佢畀好多機會藝人,好感激他。」

林曉峰表示:「今日下午透過舊同事知道得知「輝哥 」衞世輝離去!我十分難過,希望輝哥家人保重。我剛入TVB,輝哥給予我很多機會,當我工作量不多時 ,輝哥亦十分照顧我,我心中永記!希望所有輝哥的朋友延續輝哥對所有事情的精神,亦是對輝哥一個最大的致敬。祝願大家身體健康!」

朱凱婷亦有在社交網發文悼念。
朱凱婷亦有在社交網發文悼念。
朱凱婷表示衞世輝是當年的港姐監製,看着她入行20年。
朱凱婷表示衞世輝是當年的港姐監製,看着她入行20年。


與衞世輝於TVB共事30多年的TVB製作部非戲劇分部經理何小慧,透露從曾志偉口中得知衛世輝因心臟病發離世的消息,亦知道他本身有心臟病。她說:「噚日大家先見過面,仍有返工,仲跟同事有講有笑,原本今日有會議要開,但知道佢要做身體檢查便取消了會議!」她表示剛收到這個噩耗,第一個感覺是不相信,因為太突然沒有心理準備及先兆。她說:「佢除咗今日原本要開會外,仲會跟同事外出睇景,30幾年喺大型綜藝節目經常合作,大家會輪住參與唔同大騷。」何小慧更大讚衛世輝為人開朗,跟太太十分恩愛。她說:「佢個人簡單又低調,但好鍾意食嘢!都會搵好地方同老婆拍拖食好嘢,返黎仲跟同事分享。」

林曉峰同樣傷心。
林曉峰同樣傷心。
何小慧(左)透露衞世輝今日原本要開會,一開始不相信對方離世消息。
何小慧(左)透露衞世輝今日原本要開會,一開始不相信對方離世消息。
衞世輝監製很多TVB綜藝節目。
衞世輝監製很多TVB綜藝節目。
其他文章
hd