首頁 即時娛樂

藝人悼念丨汪明荃與衞世輝合作無間 薛家燕感觸:珍惜現在擁有

17/09/2021 16:47:00
薛家燕和汪明荃對衞世輝突然離世,均感到難過。
薛家燕和汪明荃對衞世輝突然離世,均感到難過。

TVB非戲劇節目監製及經理衞世輝今早因心臟病發離世,不少跟他共事過的藝人均感到好突然及惋惜,終年62歲。

薛家燕與衞世輝合作多年,她今日在電話中表示:「我入TVB後有好多綜藝節目都係佢負責做監製,佢係一個好好先生,有求必應,因為有時在節目上特別要求,希望幫我哋申請到,佢都會盡量去做好,處事好投入又認真。」她透露今早接到消息時感到好愕然及難過,她說:「我上個月仲見到佢,仲Say hello,諗唔到突然間就離開!我覺得當然好惋惜,佢係一個不可多得嘅一個製作人,在綜藝節目貢獻良多,我諗好多公司同事都同我一樣感覺都係好難過,希望佢家人節哀順變!另外讓我感受到係珍惜現在擁有,注意身體健康,可能佢工作太忙,無留意到自己身體健康都未定,因為佢近排都好忙,一直未停過,佢係一個好勤力嘅人,好難過、好唔捨得,希望佢一路好走!」



汪明荃則說:「接到消息真係太突然,我同衞世輝合作咗好多次,係一個好叻嘅人,佢做大騷好識處理問題又好有經驗嘅人,真係太可惜!60歲(62歲),又做得嘢。希望佢太太節哀順變,大家保重。」

其他文章
hd